داغ دہلوی

پھر شبِ غم نے مجھے شکل دکھائی کیونکر
یہ بلا گھر سے نکالی ہوئی آئی کیونکر

شیخ ابراہیم ذوق

دیکھ چھوٹوں کو ہے اللہ بڑائی دیتا
آسماں آنکھ کے تل میں ہے دکھائی دیتا
روش اشک گرا دیں گے نظر سے اک دن
ہے ان آنکھوں سے یہی مجھ کو دکھائی دیتا
دیکھ گر دیکھنا ہے ذوقؔ کہ وہ پردہ نشیں
دیدۂِ روزن دل سے ہے دکھائی دیتا

باقی صدیقی

کیوں میں تیری دہائی دینے لگا
شہر کیسا دکھائی دینے لگا
لو غم آشنائی دینے لگا
میں جہاں کو دکھائی دینے لگا
زنجیر ہوس دل کو رہائی نہیں دیتی
کیا جلتی ہوئی آگ دکھائی نہیں دیتی

جگر مراد آبادی

نقاب حسن دوعالم اٹھائی جاتی ہے
مجھی کو میری تجلی دکھائی جاتی ہے

عرفان صدیقی

جلنے سے رہائی دے تو جانوں
اے چاند، دکھائی دے تو جانوں
اے ذہن میں بسنے والی دنیا
آنکھوں کو دکھائی دے تو جانوں

بشیر بدر

پیار کی نئی دستک دل پہ پھر سنائی دی
چاند سی کوئی صورت خواب میں دکھائی دی
خدا ہم کو ایسی خدائی نہ دے
کہ اپنے سوا کچھ دکھائی نہ دے
خدا ایسے احساس کا نام ہے
رہے سامنے اور دکھائی نہ دے

عبید اللہ علیم

نگاہ دہر میں اہل کمال ہم بھی ہوں
جو لکھ رہے ہیں وہ دنیا اگر دکھائی دے

حسرت موہانی

کی یاس سے ہوس نے لڑائی تمام شب
تم نے تو خوب راہ دکھائی تمام شب

شکیل بدایونی

نظر سے قید تعین اٹھائی جاتی ہے
تجلی رخ جاناں دکھائی جاتی ہے

فانی بدایونی

مرے قیاس کو اپنی تلاش میں کھو کر
مرے حواس کو دنیا دکھائی جاتی ہے
یوں نہ قاتل کو جب یقیں آیا
ہم نے دل کھول کر دکھائی چوٹ

احمد فراز

تڑپ اٹھوں بھی تو ظالم تری دہائی نہ دوں
میں زخم زخم ہوں پھر بھی تجھے دکھائی نہ دوں
مجھے بھی ڈھونڈ کبھی محو آئنہ داری
میں تیرا عکس ہوں لیکن تجھے دکھائی نہ دوں

میرا جی

بیٹھے ہیں پھلواری میں دیکھیں کب کلیاں کھلتی ہیں
بھنور بھاؤ تو نہیں ہے کس نے اتنی راہ دکھائی ہے

ناصر کاظمی

انھی آنکھوں نے دکھائے کئی بھرپور جمال
انھی آنکھوں نے شبِ ہجر دکھائی مجھ کو