داغ دہلوی

فرشتے بھی دیکھیں تو کھل جائیں آنکھیں
بشر کو وہ جلوے دکھائے گئے ہیں

مصحفی غلام ہمدانی

کبھی سامنے سے جو وہ جائے ہے کبھی پھیر منہ کو دکھائے ہے
مجھے درد رشک ستائے ہے کہ یہی وہ غیرتِ ماہ ہے
میں اس کے حسن کے عالم کی کیا کروں تعریف
نہ پوچھ مجھ سے کہ عالم دکھائے ہیں کیا کیا

مصطفٰی خان شیفتہ

اس تیرہ شب میں جائیں گے کیونکر عدو کے گھر
میرا رقیب وہ ہے جو ان کو دکھائے شمع

یگانہ چنگیزی

نگاہ ڈال دی جس پر وہ ہو گیا اندھا
نظر نے رنگ تصرف دکھائے ہیں کیا کیا

جگر مراد آبادی

جہلِ خرد نے دن یہ دکھائے
گھٹ گئے انساں بڑھ گئے سائے

عرفان صدیقی

ایک رخ اور بھی ہے پانی کی طغیانی کا
دشت جل جاتے ہیں جب کھیل دکھائے دریا

رئیس فروغؔ

سفرِ درد میں خیال اس کا
دور سے روشنی دکھائے گیا
اپنی آنکھوں کو شب و روز فروغؔ
خواب ہی خواب دکھائے جاؤں

اسرار الحق مجاز

تاثیر جذب شوق دکھائے ہوئے تو ہیں
ہم تیرا ہر حجاب اٹھائے ہوئے تو ہیں

بشیر بدر

اگر یقیں نہیں آتا تو آزمائے مجھے
وہ آئنہ ہے تو پھر آئنہ دکھائے مجھے

زہرا نگاہ

اب دوستی وہ فن کہ جو سیکھے وہی نبھائے
اور ہے وفا تماشا جسے آئے وہ دکھائے

حفیظ جالندھری

دیدہ وران بت کدہ اک مشورہ تو دو
کعبہ جھلک یہاں بھی دکھائے تو کیا کروں

اختر ہوشیارپوری

تمام رات گزاری ہے کرچیاں چنتے
سحر ہوئی تو نیا آئنہ دکھائے وہ

قتیل شفائی

یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے

کلیم عاجز

کوئی لاکھ زہرہ جبین ہے جسے چاہیں ہم وہ حسین ہے
کلیمؔ اس سراپا غرور کو ذرا آئنہ تو دکھائے جا

ناصر کاظمی

کیا دن مجھے عشق نے دکھائے
اک بار جو آئے پھر نہ آئے
شوق کیا کیا دکھائے جاتا ہے
دل تجھے بھی بھلائے جاتا ہے