شیخ ابراہیم ذوق

نالہ اس شور سے کیوں میرا دہائی دیتا
اے فلک گر تجھے اونچا نہ سنائی دیتا

باقی صدیقی

کون اندر سے اٹھ گیا باقیؔ
شور دل کا سنائی دینے لگا
دنیا کے لیے بھول گئے اپنے خدا کو
کیا قبر کی آواز سنائی نہیں دیتی

جگر مراد آبادی

داستانِ غمِ دل ان کو سنائی نہ گئی
بات بگڑی تھی کچھ ایسی کہ بنائی نہ گئی

قمر جلالوی

یہاں تک پڑ چکے ہیں وقت مایوسِ تمنا پر
تری تصویر کو رودادِ شامِ غم سنائی ہے

عرفان صدیقی

تنہا نہیں نواحِ شب میں
آہٹ ہی سنائی دے تو جانوں

بشیر بدر

پیار کی نئی دستک دل پہ پھر سنائی دی
چاند سی کوئی صورت خواب میں دکھائی دی
کس نے میری پلکوں پہ تتلیوں کے پر رکھے
آج اپنی آہٹ بھی دیر تک سنائی دی
ہنسو آج اتنا کہ اس شور میں
صدا سسکیوں کی سنائی نہ دے

عبید اللہ علیم

مرے خدا مجھے وہ تاب نے نوائی دے
میں چپ رہوں بھی تو نغمہ مرا سنائی دے

حسرت موہانی

پھر بھی تو ختم ہو نہ سکی آرزو کی بات
ہر چند ہم نے ان کو سنائی تمام شب
دل کو تھا حوصلۂ عرضِ تمنا سو انہیں
سرگزشت شبِ ہجراں بھی سنائی نہ گئی

شکیل بدایونی

ان کو شرحِ غم سنائی جائے گی
آگ پانی میں لگائی جائے گی

احمد فراز

ترے بدن میں دھڑکنے لگا ہوں دل کی طرح
یہ اور بات کہ اب بھی تجھے سنائی نہ دوں

اقبال ساجد

عجب صدا یہ نمائش میں کل سنائی دی
کسی نے سنگ سے تصویر کو رہائی دی

میرا جی

آخری بات سنائے کوئی آخری بات سنیں کیوں ہم نے
اس دنیا میں سب سے پہلے آخری بات سنائی ہے