مصحفی غلام ہمدانی

اے مصحفیؔ ہے تیرا اتنا جو سخن چسپاں
کیا تو نے جواں درزن گھر میں کوئی ڈالی ہے

عرفان صدیقی

ختم ہوتا ہے اس رات کا ماجرا اب یہ کیا پوچھتے ہو کہ پھر کیا ہوا
پھر چراغوں کی آنکھیں بجھا دی گئیں پھر گلوں کی زباں کاٹ ڈالی گئی
کس کو دھوکا یہ ہوا بیتی رتوں والی دے
آتے موسم کا پتا سوکھی ہوئی ڈالی دے
وہ خدا ہے اسے معلوم ہے انسان کا ظرف
دل میں رکھ دی، کسی جھولی میں نہ ڈالی دنیا

بشیر بدر

لب کھلے جسم مسکرانے لگا
پھول کا کھلنا تھا کہ ڈالی ہنسی

جلیل مانک پوری

بات ساقی کی نہ ٹالی جائے گی
کر کے توبہ توڑ ڈالی جائے گی
دیکھتے ہیں غور سے میری شبیہ
شاید اس میں جان ڈالی جائے گی

احمد فراز

رفتہ رفتہ یہی زنداں میں بدل جاتے ہیں
اب کسی شہر کی بنیاد نہ ڈالی جائے

اقبال ساجد

باغ کا سب سے بڑا جو پیڑ تھا وہ جھک گیا
پھل لگے اتنے کہ بوجھل ڈالی ڈالی ہو گئی

محسن احسان

خود اپنے آپ سے کد اس قدر ہمیں ہے کہ اب
روایتیں ہی گلستاں کی پھونک ڈالی ہیں
کیوں گرانے کے لیے درپئے آزار ہیں لوگ
ہم نے بنیاد مکاں کی ابھی ڈالی بھی نہیں