مصحفی غلام ہمدانی

مصحفیؔ اس سے بھی بہتر غزل اک اور سنا
وادیِ فکر میں بو کر تو خیالات کے بیج

عبدالحمید عدم

وہ چیز جسے زندگی کہتے ہیں وہ کیا ہے
ہنستے ہوئے شفاف خیالات کا عالم

شکیب جلالی

نہ سہی‘ کوئی ہجومِ گل و لالہ‘ نہ سہی
دشت سے کم بھی نہیں کنجِ خیالات ہمیں

رئیس فروغؔ

مرے تمام شجر میرے ساتھ سوچ میں ہیں
بڑا ہجوم خیالات ہے تمھارے لیے

بشیر بدر

اجالوں کی پریاں نہانے لگیں
ندی گنگنائی خیالات کی

سدرشن فاکر

وہ مرے ہیں مجھے مل جائیں گے آ جائیں گے
ایسے بے کار خیالات نے دل توڑ دیا