مرزا غالب

چپکے چپکے مجھ کو روتے دیکھ پاتا ہے اگر
ہنس کے کرتا ہے بیان شوخی گفتارِ دوست
جس بزم میں تو ناز سے گفتار میں آوے
جاں کالبد صورتِ دیوار میں آوے
اس چشمِ فسوں گر کا اگر پائے اشارہ
طوطی کی طرح آئینہ گفتار میں آوے

حیدر علی آتش

معشوق کی زبان سے ہے دشنام دل پذیر
شیرینی زہر ہے تری گفتار کے لیے

مصحفی غلام ہمدانی

گر ایک غضب ہو تو کوئی اس کو اٹھاوے
رفتار غضب ہے تری گفتار غضب ہے

مصطفٰی خان شیفتہ

کب کیا دل پہ مرے پند و نصیحت نے اثر
ناصح بے ہودہ گفتار کی افواہیں ہیں

فیض احمد فیض

ہے فقط مرغِ غزلخواں کہ جسے فکر نہیں
معتدل گرمیء گفتار کروں یا نہ کروں

باقی صدیقی

کاش ہوتے اتنے اچھے آپ بھی
جتنی اچھی آپ کی گفتار ہے

جگر مراد آبادی

دلِ انساں اگر شائستہ اسرار ہو جائے
لبِ خاموش فطرت ہی لب گفتار ہو جائے

خواجہ میر درد

الفاظ خلق ہم بن سب مہملات سے تھے
معنی کی طرح ربط گفتار ہیں تو ہم ہیں

قمر جلالوی

حکم بے سوچے جو سرکار دیے دیتے ہیں
کیوں مجھے جرأتِ گفتار دیے دیتے ہیں

عرفان صدیقی

آشفتگاں کو رمز و اشارت کا کیا دماغ
یہ لوگ کس زبان میں گفتار کرتے ہیں
مجھ کو آتی ہے ترے حرف سے احساس کی آنچ
سب تری گرمی گفتار ہے میں کیا جانوں

الطاف حسین حالی

نہ چھوڑے گا زیور گھروں میں نہ زر تو
یہی ہے اگر حسن گفتار واعظ
کل خرابات میں اک گوشہ سے آتی تھی صدا
دل میں سب کچھ ہے مگر رخصت گفتار نہیں
متاعِ بے بہا ہے شعر حالیؔ
مری قیمت مری گفتار سے پوچھ

علی سردار جعفری

کیفیت دل کی سناتی ہوئی ایک ایک نگاہ
بے زباں ہو کے بھی وہ مائل گفتار آنکھیں
یہی ہے زینت و آرائش عروسِ سخن
مگر فریب بھی دیتی ہے شوخی گفتار