مرزا غالب

بہ نیم غمزہ ادا کر حقِ ودیعتِ ناز
نیامِ پردۂِ زخمِ جگر سے خنجر کھینچ
مقصد ہے ناز و غمزہ ولے گفتگو میں کام
چلتا نہیں ہے دشنہ و خنجر کہے بغیر

امام بخش ناسخ

ہو رہا ہے ایک عالم تیرے ابرو پر نثار
کون گردن ہے جہاں میں جو تہِ خنجر نہیں

بہادر شاہ ظفر

اگر ہاتھوں سے اس شیریں ادا کے ذبح ہوں گے ہم
تو شربت کے سے گھونٹ آب دمِ خنجر میں آویں گے

داغ دہلوی

سخت جانی سے مری جان بچے گی کب تک
ایک جب کند ہوا دوسرا خنجر آیا
ہم نے ان کے سامنے اول تو خنجر رکھ دیا
پھر کلیجا رکھ دیا دل رکھ دیا سر رکھ دیا

مصطفٰیٰ خان شیفتہ

تاخیر نہ کر قتلِ شہیدانِ وفا میں
ہر ایک کو ہے تیزیِ خنجر کی شکایت

قمر جلالوی

محفلِ دشمن میں جو گزری وہ میرے دل سے پوچھ
ہر اشارہ جنبشِ ابرو کا خنجر ہو گیا

عرفان صدیقی

نہر گلو سے پیاسوں نے پہرے اٹھا لیے
صحرا میں تشنہ کامی خنجر کو دیکھ کر
اک سینہ چاک خاک بہ سر اور کو بہ کو
سوغات سنگ، ہدیۂ خنجر، علیؑ علیؑ
کس قدر پاسِ مروت ہے وفاداروں کو
میرے سینے میں چھپا رکھے ہیں خنجر اپنے

الطاف حسین حالی

جس کا تو قاتل ہو پھر اس کے لیے
کون سی نعمت ہے خنجر سے لذیذ

اکبر معصوم

خدا گواہ کہ ان میں وہی ہلاکت ہے
یہ تیغ و تیر یہ خنجر اسی سے ملتے ہیں

بشیر بدر

یاروں کی محبت کا یقیں کر لیا میں نے
پھولوں میں چھپایا ہوا خنجر نہیں دیکھا

رسا چغتائی

ہاتھ میں خنجر آ سکتا ہے
یا پھر ساغر آ سکتا ہے

فانی بدایونی

کم تو کیا صیاد بے تابی سوا ہو جائے گی
تو نے ناحق تیلیوں میں رکھ دیا خنجر کھلا

افضل منہاس

رقص کرتے ہوئے لمحوں کی زباں گنگ ہوئی
اپنے سینے میں جو اترا ہوا خنجر دیکھا

احمد فراز

شہر والوں کی محبت کا میں قائل ہوں مگر
میں نے جس ہاتھ کو چوما وہی خنجر نکلا

امیر مینائی

جہاں ان ابروؤں پر میل آیا کٹ گئے لاکھوں
یہ وہ تیغیں ہیں جن کے ابر سے خنجر برستے ہیں

شاذ تمکنت

نباہ کرتا ہوں دنیا سے اس طرح اے شاذؔ
کہ جیسے دوستی ہو آستین و خنجر کی