مصحفی غلام ہمدانی

آتشِ غم میں بس کہ جلتے ہیں
شمع ساں استخواں پگھلتے ہیں

جون ایلیا

کیا تکلف کریں یہ کہنے میں
جو بھی خوش ہے ہم اس سے جلتے ہیں
ہے عجب فیصلے کا صحرا بھی
چل نہ پڑیے تو پاؤں جلتے ہیں
کیا تکلف کریں یہ کہنے میں
جو بھی خوش ہے ہم اس سے جلتے ہیں
ہے عجب فیصلے کا صحرا بھی
چل نہ پڑیے تو پاؤں جلتے ہیں

جگر مراد آبادی

نکھرتا آ رہا ہے رنگِ گلشن
خس و خاشاک جلتے جا رہے ہیں
چراغ دیر و کعبہ اللٰہ اللٰہ
ہوا کی ضد پہ جلتے جا رہے ہیں

قمر جلالوی

مریضِ محبت انہیں کا فسانہ سناتا رہا دم نکلتے نکلتے
مگر ذکر شامِ الم کا جب آیا چراغِ سحر بجھ گیا جلتے جلتے

شکیب جلالی

ہواے شب سے نہ بجھتے ہیں اور نہ جلتے ہیں
کسی کی یاد کے جگنو دھواں اگلتے ہیں

رئیس فروغؔ

دیا بنو اور جلتے جاؤ
پھر سایوں میں ڈھلتے جاؤ

بشیر بدر

مرے راستوں میں اجالا رہا
دیے اس کی آنکھوں میں جلتے رہے
کوئی پھول سا ہاتھ کاندھے پہ تھا
مرے پاؤں شعلوں پہ جلتے رہے
گھنے دھوئیں میں فرشتے بھی آنکھ ملتے ہیں
تمام رات کھجوروں کے پیڑ جلتے ہیں

عبید اللہ علیم

نگار صبح کی امید میں پگھلتے ہوئے
چراغ خود کو نہیں دیکھتا ہے جلتے ہوئے
اندھیرے ہیں یہاں سورج کے نام پر روشن
اجالوں سے یہاں دیکھے ہیں لوگ جلتے ہوئے

شکیل بدایونی

ہے ستاروں کی طرح مائلِ پرواز شکیلؔ
دشمنو تم کو قسم ہے یوں ہی جلتے رہنا

اختر ہوشیارپوری

افق افق نئے سورج نکلتے رہتے ہیں
دیے جلیں نہ جلیں داغ جلتے رہتے ہیں

احمد فراز

حضور آپ شب آرائیاں کریں لیکن
فقط نمودِ سحر تک چراغ جلتے ہیں