مصحفی غلام ہمدانی

وہی دشت اور وہی گریباں چاک
جب تلک ہاتھ پانو چلتے ہیں

جون ایلیا

ٹھیک ہے خود کو ہم بدلتے ہیں
شکریہ مشورت کا چلتے ہیں
اس کے پہلو سے لگ کے چلتے ہیں
ہم کہیں ٹالنے سے ٹلتے ہیں

قمر جلالوی

بس اب صبر کر رہروِ راہِ الفت کہ تیرے مقدر میں منزل نہیں ہے
ادھر سامنے سر پہ شام آ رہی ہے ادھر تھک جائیں گے پاؤں چلتے چلتے

شکیب جلالی

اسیرِ دام جنوں ہیں ‘ ہمیں رہائی کہاں
یہ رنگ و بو کے قفس اپنے ساتھ چلتے ہیں

رئیس فروغؔ

سیاروں کی آگ بچھی ہے
دھیرے دھیرے چلتے جاؤ

بشیر بدر

مسافر کے رستے بدلتے رہے
مقدر میں چلنا تھا چلتے رہے
میں شاہراہ نہیں راستے کا پتھر ہوں
یہاں سوار بھی پیدل اتر کے چلتے ہیں
کئی ستاروں کو میں جانتا ہوں بچپن سے
کہیں بھی جاؤں مرے ساتھ ساتھ چلتے ہیں

زہرا نگاہ

سر جھکائے ہوئے اک راہ پہ چلتے رہیے
اک صدا کان میں آئے گی وہ سنتے رہیے
مڑ کے دیکھیں گے تو پتھر نہیں ہو جائیں گے آپ
مڑ کے بھی دیکھیے اور آگے بھی چلتے رہیے

عبید اللہ علیم

یہ روح کھینچتی چلی جا رہی ہے کس کی طرف
یہ پاؤں کیوں نہیں تھکتے ہمارے چلتے ہوئے

شکیل بدایونی

جادۂ عشق میں گر گر کے سنبھلتے رہنا
پاؤں جل جائیں مگر آگ پہ چلتے رہنا
زندگانی ہے فقط گرمیِ رفتار کا نام
منزلیں ساتھ لیے راہ پہ چلتے رہنا

اختر ہوشیارپوری

زمانے کو تو ہمیشہ سفر میں رہنا ہے
جو قافلے نہ چلیں رستے چلتے رہتے ہیں

احمد فراز

یہ پاسِ پیرِ مغاں ہے کہ ضعفِ تشنہ لبی
نشہ نہیں ہے مگر لڑکھڑا کے چلتے ہیں
خدا کا نام جہاں بیچتے ہیں لوگ فراز
بصد وثوق وہاں کاروبار چلتے ہیں

محبوب خزاں

تھکن چاروں طرف ہے چلتے جاؤ
پہنچتا کون ہے چلتے بہت ہیں