مرزا غالب

صفائے حیرتِ آئینہ ہے سامان زنگ آخر
تغیر ’’آب برجا ماندہ‘‘ کا پاتا ہے رنگ آخر

حیدر علی آتش

دل بہت تنگ رہا کرتا ہے
رنگ بے رنگ رہا کرتا ہے

شیخ ابراہیم ذوق

چھپ کے بیٹھے گا کہاں تو ہم سے اے رنگیں نوا
ہو گا تو جس رنگ میں مل جائیں گے اس رنگ سے
ذوقؔ زیبا ہے جو ہو ریش سفید شیخ پر
وسمہ آب بنگ سے مہندی مئے گل رنگ سے

مصحفی غلام ہمدانی

کیا ظلم ہے کہ تو ہے اسیر اور باغ میں
کلیاں نکالتی ہیں نئے رنگ عندلیب
عالم کے صوفیوں کے کوئی کیا سمجھ سے
ہر رنگ سے جدا ہیں یہ بے رنگ لوگ ہیں

باقی صدیقی

ہر بات پہ ہم دیتے ہیں غیروں کا حوالہ
اپنا کوئی آہنگ کوئی رنگ نہیں کیا

عرفان صدیقی

اتنی افسردہ نہ ہو کوچۂ قاتل کی ہوا
چھو کے تو دیکھ‘ ابھی رنگ بہت ہے مجھ میں
شکستہ پیرہنوں میں بھی رنگ سا کچھ ہے
ہمارے ساتھ ابھی نام و ننگ سا کچھ ہے