مصحفی غلام ہمدانی

میں اس قد و عارض کو کر یاد بہت رویا
مذکور گلستاں میں کچھ سرو و سمن کا تھا

فیض احمد فیض

غرورِ سرو و سمن سے کہہ دو کہ پھر وہی تاجدار ہوں گے
جو خار و خس والیء چمن تھے عروجِ سرو و سمن سے پہلے
فصلِ خزاں میں لطفِ بہاراں
برگِ سمن کچھ اس سے زیادہ

سراج الدین ظفر

آئیں ہم دست درازی پہ تو میخانے سے
سلسلہ انجمن سرو و سمن تک پہنچے
میں اور تیری انجمنِ ناز کی تلاش
میرے لیے وہ جنت سرو و سمن کہاں

عرفان صدیقی

اس کے لکھے لفظ پھولوں کی طرح کھلتے رہے
روز ان آنکھوں میں بازارِ سمن لگنے لگا

مجید امجد

یہ چاندنی، یہ بھولی ہوئی چاہتوں کا دیس
گزروں تو رخ پہ رشحۂ عطرِ سمن پڑے