قفس میں ہم نوایانِ چمن کی یاد آتی ہے
علی سردار جعفری
وطن سے دور یارانِ وطن کی یاد آتی ہے
قفس میں ہم نوایانِ چمن کی یاد آتی ہے
یہ کیسا ظلم ہے پھر سایۂ دیوارِ زنداں میں
وطن کے سایۂ سرو و سمن کی یاد آتی ہے
تصور جس سے رنگیں ہے تخیل جس سے رقصاں ہے
غزال ہند و آہوئے ختن کی یاد آتی ہے
کبھی لیلیٰ و شیریں گاہ ہیر و سوہنی بن کر
نرالے یار کی بان کے سجن کی یاد آتی ہے
کہاں کا خوف زنداں دہشت دار و رسن کیسی
قد معشوق و زلف پر شکن کی یاد آتی ہے
مفاعیلن مفاعیلن مفاعیلن مفاعیلن
ہزج مثمن سالم