مصطفٰی خان شیفتہ

احوال میں ہیں شیفتہ کی مختلف اقوال
پوچھیں گے ، وہاں سے جو کوئی معتبر آیا

جون ایلیا

دل مرے دل مجھے بھی تم اپنے خواص میں رکھو
یاراں تمہارے باب میں میں ہی نہ معتبر رہا

عبدالحمید عدم

کبھی سچ تو نہیں اس آنکھ نے بولا مگر پھر بھی
رویے میں نہایت معتبر محسوس ہوتی ہے

قمر جلالوی

بے خودی میں ان کے وعدے معتبر سمجھا نہیں
وہ اگر آئے بھی تو میں دوپہر سمجھا نہیں

عرفان صدیقی

جہانِ گم شدگاں کے سفر پہ راضی ہوں
میں تیرے فیصلۂ معتبر پہ راضی ہوں
ہز اس شہر کی بھی بہت مہرباں ہے مگر اپنا رہوار مت روکنا
ہجرتوں کے مقدر میں باقی نہیں اب کوئی قریہ معتبر یا اخی

آنس معین

تمہیں خبر تھی حقیقتیں تلخ ہیں جبھی تو!
تمہاری آنکھوں نے خواب کو معتبر کیا ہے

زہرا نگاہ

مجال دید نہیں حسرت نظارہ سہی
یہ سلسلہ ہی بہت معتبر ہے کیا کہیے
ایک تیرا غم جس کو راہ معتبر جانیں
اس سفر میں ہم کس کو اپنا ہم سفر جانیں

عالم تاب تشنہ

ہم اپنے عشق کی اب اور کیا شہادت دیں
ہمیں ہمارے رقیبوں نے معتبر جانا

حسرت موہانی

کوششیں ہم نے کیں ہزار مگر
عشق میں ایک معتبر نہ ہوئی

سید ضمیر جعفری

کچھ نہ کچھ ناپختگی بھی آدمی کا حسن ہے
کچھ نہ کچھ نا معتبر رہنا بھی اچھی بات ہے

شکیل بدایونی

میری بربادی کو چشم معتبر سے دیکھیے
میرؔ کا دیوان غالبؔ کی نظر سے دیکھیے

اختر ہوشیارپوری

شایان زندگی نہ تھے ہم معتبر نہ تھے
ہاں کم نظر تھے اتنے مگر کم نظر نہ تھے

احمد فراز

ہزار چارہ گروں نے ہزار باتیں کیں
کہا جو دل نے سخن معتبر اسی کا رہا

قتیل شفائی

تری نگاہ کا دل کو یقیں سا ہے ورنہ
سنی ہے بات کچھ ایسی کہ معتبر بھی نہیں

محسن احسان

منقار سے ہوا نے لکھی داستان ہجر
یوں حرف معتبر کو بھی نا معتبر کیا

ناصر کاظمی

جنہیں زندگی کا شعور تھا انہیں بے زری نے بچھا دیا
جو گراں تھے سینہِ خاک پر وہی بن کے بیٹھے ہیں معتبر