مومن خان مومن

ہمارے خوں بہا کا غیر سے دعویٰ ہے قاتل کو
یہ بعد انفصال اب اور ہی جھگڑا نکل آیا

باقی صدیقی

خود کو یاد آنے لگے ہم باقیؔ
پھر کسی بات پہ جھگڑا ہو گا
تو عرضِ تمنا کو بھی جھگڑا کہہ دے
ہے بات یہی دل میں تو اچھا کہہ دے

جون ایلیا

اس بار وہ تلخی ہے کہ روٹھے بھی نہیں ہم
اب کے وہ لڑائی ہے کہ جھگڑا نہ کریں گے
نیا اک رشتہ پیدا کیوں کریں ہم
بچھڑنا ہے تو جھگڑا کیوں کریں ہم

رئیس فروغؔ

تپ رہا ہے ریگ زار زندگی
یار کیوں کرتے ہو جھگڑا دھوپ میں

زہرا نگاہ

صلح جس سے رہی میری تا زندگی
اس کا سارے زمانے سے جھگڑا سا تھا

سیماب اکبر آبادی

برہمن کہتا تھا برہم شیخ بول اٹھا احد
حرف کے اک پھیر سے دونوں میں جھگڑا ہو گیا

محبوب خزاں

حال ایسا نہیں کہ تم سے کہیں
ایک جھگڑا نہیں کہ تم سے کہیں

محسن احسان

جو میرے اور اس کے درمیاں تھی
اسی دیوار پر جھگڑا ہوا ہے