فیض احمد فیض

وہ بات سارے فسانے میں جس کا ذکر نہ تھا
وہ بات ان کو بہت ناگوار گزری ہے

یگانہ چنگیزی

عبث ہے ذکر شرابِ طہور اور واعظ
وہ بات کر جو کسی دل کو ناگوار نہ ہو
غضب کی دھوم شبستان روزگار میں ہے
کشش بلا کی تماشائے ناگوار میں ہے
دوا میں اور دعا میں تو اب اثر معلوم
بس اک امید اثر ضبط ناگوار میں ہے
بگڑا چمن میں کل ترے وحشی کا جب مزاج
جھونکا نسیم کا بھی اسے ناگوار تھا
دکھا دوں چیر کے دل دردِ دل کہوں کب تک
زباں پہ کیوں یہ تقاضائے ناگوار رہے

باقی صدیقی

تمہاری بزم میں جب آرزو کی بات چھڑی
ہمارا ذکر بھی یاروں کو ناگوار ہوا

جون ایلیا

خود کو دوران حال میں اپنے
بے طرح ناگوار تھے ہم تو

قمر جلالوی

کسی کو دل مجھے دینا تو ناگوار نہیں
مگر حضور زمانے کا اعتبار نہیں

احسان دانش

وہ صرف میرے ہیں احسانؔ میں فقط ان کا
ہے ناگوار کسی کو تو ناگوار رہے

ماجد صدیقی

جیتا ہوں کہ جی رہا ہوں ماجدؔ
جینا ہے کہ ناگوار بھی ہے

سیماب اکبر آبادی

اللٰہ رے شامِ غم مرے دل کی شکستگی
تاروں کا ٹوٹنا بھی مجھے ناگوار تھا
سیمابؔ نالہ کر کے پشیمانیاں فضول
وہ کام کیوں کیا جو انہیں ناگوار تھا

فانی بدایونی

بیداد کا گلہ تو کروں اور جو وہ کہیں
یہ کہیے امتحان وفا ناگوار ہے

کلیم عاجز

شکوہ سنجی اپنی عادت میں نہیں داخل مگر
دل دکھا تو لب پہ حرف ناگوار آ ہی گیا