فیض احمد فیض

بھیگی ہے رات فیض غزل ابتدا کرو
وقتِ سرود، درد کا ہنگام ہی تو ہے

جگر مراد آبادی

غم میں بھی ہے سرور وہ ہنگام آ گیا
شاید کہ دور بادۂ گلفام آ گیا

عبدالحمید عدم

خدا کا شکر تیری زلف بکھری
بڑی گرمی کا ہنگام آ رہا تھا

قمر جلالوی

نامہ بر ان سے کہنا نزع کا ہنگام ہے
ابتدائے خط نہیں یہ آخری پیغام ہے

بیان میرٹھی

دیکھیے پیری کا حال اور دیکھیے ریش سفید
شیخ صاحب نا مناسب ہے یہ بے ہنگام رقص

احمد راہی

حلقۂ موج میں اک اور سفینہ آیا
ساحل بحر پہ کہرام کا ہنگام تو ہے

رسا چغتائی

کب تک لبِ خاموش رہیں گے
کب تک یہ ہنگام چلے گا