فیض احمد فیض

شرح بے دردی حالات نہ ہونے پائی
اب کے بھی دل کی مدارات نہ ہونے پائی

عبدالحمید عدم

انفاس سے آتی ہوئی اک نرم سی خوشبو
سمٹا ہوا ہونٹوں میں مدارات کا عالم
نیکی کا ارادہ ہے تو پھر پوچھنا کیسا
دن رات فقیروں کی مدارات کیے جا

عرفان صدیقی

انہیں کی شہ سے انہیں مات کرتا رہتا ہوں
ستم گروں کی مدارات کرتا رہتا ہوں
پھر کوئی تشنہ لب تیر اس دشت میں ہم تک آیا ہے طے کر کے کتنا سفر
اے رگِ جاں کی جوئے رواں، ہم بھی کچھ میہماں کی مدارات کرتے رہیں

ضیا جالندھری

دکھ حد سے جو گزرا تو کھلا دل پہ کہ یوں بھی
در پردہ ہے جو محو مدارات وہ تم ہو

حسرت موہانی

مل ہی جاتے ہیں پشیمانی غم کے اسباب
شوق حرماں کی مدارات چلی جاتی ہے

حفیظ جالندھری

وہ خوش نصیب تم سے ملاقات کیوں کرے
دربان ہی سے جس کی مدارات ہو گئی
باریابی کا برا ہو کہ اب ان کے در پر
اگلے وقتوں کی مدارات نہیں ہوتی ہے

کلیم عاجز

یوں تو کبھی منہ پھیر کے دیکھو بھی نہیں ہو
جب وقت پڑے ہے تو مدارات کرو ہو