فیض احمد فیض

آشوب نظر سے کی ہم نے چمن آرائی
جو شے بھی نظر آئی، گل رنگ نظر آئی

قمر جلالوی

میں تماشا تو دکھا دوں ستم آرائی کا
کیا کروں حشر میں ڈر ہے تری رسوائی کا
یہ نتیجہ ہو آخر جبل آرائی کا
بن گیا ایک تماشا سا تماشائی کا

الطاف حسین حالی

کچھ تو ہے قدر تماشائی کی
ہے جو یہ شوقِ خود آرائی کا
کچھ تو ہے قدر تماشائی کی
ہے جو یہ شوقِ خود آرائی کا

احمد راہی

غم حیات میں کوئی کمی نہیں آئی
نظر فریب تھی تیری جمال آرائی

حسرت موہانی

دید کے قابل تھی میرے عشق کی بھی سادگی
جب کہ تیرا حسن سرگرم خود آرائی نہ تھا

حفیظ جالندھری

عشق کے ہاتھوں یہ ساری عالم آرائی ہوئی
عشق کے ہاتھوں قیامت بھی ہے اب آئی ہوئی
اللٰہ اللٰہ کیا ہوا انجام کار آرزو
توبہ توبہ کس قدر ہنگامہ آرائی ہوئی

شبلی نعمانی

میں تھا یا دیدۂ خوننابہ فشانی شبِ ہجر
ان کو واں مشغلۂ انجمن آرائی تھا
پارہ ہائے دل خونیں کی طلب تھی پیہم
شب جو آنکھوں میں مری ذوق خود آرائی تھا

شکیل بدایونی

نیاز و ناز کی یہ شان زیبائی نہیں جاتی
ہماری خود سری ان کی خود آرائی نہیں جاتی

فانی بدایونی

نام بدنام ہے ناحق شبِ تنہائی کا
وہ بھی اک رخ ہے تری انجمن آرائی کا

افضل منہاس

چپ رہے تو شہر کی ہنگامہ آرائی ملی
اب اگر کھولے تو ہم کو قیدِ تنہائی ملی

قتیل شفائی

گریباں در گریباں نکتہ آرائی بھی ہوتی ہے
بہار آئے تو دیوانوں کی رسوائی بھی ہوتی ہے

محسن احسان

اب بھی یاران گرفتہِ دل کو
یاد ہے انجمن آرائی مری

ناصر کاظمی

ترے خیال سے لو دے اٹھی ہے تنہائی
شبِ فراق ہے یا تیری جلوہ آرائی