فیض احمد فیض

پھر آئنۂ عالم شاید کہ نکھر جائے
پھر اپنی نظر شاید تا حدِ نظر جائے

باقی صدیقی

شبنم ہو، کہکشاں ہو، ستارے ہوں، پھول ہوں
جو شے تمہارے سامنے آئی، نکھر گئی
نادم ہے اپنے اپنے قرینے پہ ہر نظر
دنیا لہو اچھال کے کتنی نکھر گئی
شبنم ہو، کہکشاں ہو ستارے ہوں پھول ہوں
جو شے تمہارے سامنے آئی نکھر گئی
شبنم ہو، کہکشاں ہو، ستارے ہوں، پھول ہوں
جو شے تمہارے سامنے آئی نکھر گئی
دیکھو تو ہے زخم زخم سینہ
کہنے کو کلی نکھر رہی ہے

احسان دانش

اب دشت میں نرم رو ہوا سے
کچھ نقشِ قدم نکھر رہے ہیں

ادا جعفری

جو میری پلکوں سے تھم نہ پائے وہ شبنمیں مہرباں اجالے
تمہاری آنکھوں میں آ گئے تو تمام رستے نکھر گئے ہیں

ضیا جالندھری

ضیاؔ دلوں میں غبار کیا کیا تھے روئے جی بھر کے جب ملے وہ
وہ ابر برسا ہے اب کے ساون کہ پتی پتی نکھر گئی ہے

ماجد صدیقی

میں جو اس کے قدموں میں ریت سا بکھر جاتا
چاند سا بدن اس کا اور بھی نکھر جاتا
چمن کے گلہائے ناز پرور! نہ مجھ مسافر کا حال پوچھو
یہ بارش گرد ہو نہ درپے تو میں بھی تم سا نکھر نہ جاؤں
جنبشِ لب سے وا ہوئے غنچے
صورت گل نکھر گئے نغمے

خاطر غزنوی

دل کی فضائیں آ کے کبھی خود بھی دیکھ لو
تم نے جو داغ بخشے تھے کیا کیا نکھر گئے

فراق گورکھپوری

ذرا وصال کے بعد آئنہ تو دیکھ اے دوست
ترے جمال کی دوشیزگی نکھر آئی

کلیم عاجز

جس دن کوئی غم مجھ پہ گزر جائے ہے پیارے
چہرہ ترا اس روز نکھر جائے ہے پیارے