فیض احمد فیض

فیض، نہ ہم یوسف نہ کوئی یعقوب جو ہم کو یاد کرے ؎۱
اپنی کیا، کنعاں میں رہے یا مصر میں‌ جا آباد ہوئے

جون ایلیا

تنگ آغوش میں آباد کروں گا تجھ کو
ہوں بہت شاد کہ ناشاد کروں گا تجھ کو
نشہ ہے راہ کی دوری کا کہ ہم راہ ہے تو
جانے کس شہر میں آباد کروں گا تجھ کو
دلِ برباد کو آباد کیا ہے میں نے
آج مدت میں تمہیں یاد کیا ہے میں نے
دل جو اک جائے تھی دنیا ہوئی آباد اس میں
پہلے سنتے ہیں کہ رہتی تھی کوئی یاد اس میں

قمر جلالوی

کیا پتہ پوچھو ہو میرا نام روشن ہے قمر
جس جگہ تاروں کی بستی ہے وہاں آباد ہوں
آشیاں کی خبر تجھ کو نہیں ہے نہ سہی
یہ تو صیاد بتا دے چمن آباد بھی ہے
تو حقارت سے جنہیں دیکھ رہا ساقی
کچھ انہیں لوگوں سے یہ میکدہ آباد بھی ہے

عرفان صدیقی

پسِ غبار مسافت چراغ جلتے رہیں
خدا رکھے یہ پراسرار بستیاں آباد

احسان دانش

اے خیالوں کے مکیں نظروں سے دور
میری ویراں خلوتیں آباد کر
عشرت دنیا ہے اک خواب بہار
کعبۂ دل درد سے آباد کر

اختر شیرانی

آسماں رتبہ محل اپنے بنانے والو
دل کا اجڑا ہوا گھر بھی کوئی آباد کرو

تلوک چند محروم

دفن ہے ہندوستاں کی اس میں تہذیب قدیم
پھول برسا اے صبا خاک جہان آباد پر

حسرت موہانی

کیا وہ اب نادم ہیں اپنے جور کی روداد سے
لائے ہیں میرٹھ جو آخر مجھ کو فیض آباد سے
اب تلک موجود ہے کچھ کچھ لگا لائے تھے ہم
وہ جو اک لپکا کبھی نہ خاک جہاں آباد سے

حفیظ جالندھری

پھر رنج و الم کو ہے کسی کا یہ اشارہ
اجڑی ہوئی بستی کرو آباد کسی کی
ہجوم آرزو سے شہرِ دل آباد کرتے ہیں
ہم اپنی خاک اپنے ہاتھ سے برباد کرتے ہیں
آخر ایک دن شاد کرو گے
میرا گھر آباد کرو گے
مجھے شاد رکھنا کہ ناشاد رکھنا
مرے دیدہ و دل کو آباد رکھنا
وہ ناشاد و برباد رکھتے ہیں مجھ کو
الٰہی انہیں شاد و آباد رکھنا
مٹنے والی حسرتیں ایجاد کر لیتا ہوں میں
جب بھی چاہوں اک جہاں آباد کر لیتا ہوں میں
ہاں یہ ویرانہ یہ دل یہ آرزوؤں کا مزار
تم کہو تو پھر اسے آباد کر لیتا ہوں میں

سیماب اکبر آبادی

تصور جب انیس خاطر ناشاد ہوتا ہے
جہانِ دل تری تصویر سے آباد ہوتا ہے
جگہ ملتی نہیں جس کو شبِ غم محشر دل میں
وہ ہنگامہ لبِ خاموش میں آباد ہوتا ہے

فانی بدایونی

دنیا میں دیارِ دل فانیؔ کے سوا ہائے
کوئی بھی وہ بستی ہے جو آباد نہیں ہے

کلیم عاجز

بیکسی ہے اور دلِ ناشاد ہے
اب انہیں دونوں سے گھر آباد ہے
اب انہیں کی فکر میں صیاد ہے
جن کے نغموں سے چمن آباد ہے