یگانہ چنگیزی

دل عجب جلوۂ امید دکھاتا ہے مجھے
شام سے یاسؔ سویرا نظر آتا ہے مجھے
یاسؔ منزل ہے مری منزل عنقائے کمال
لکھنٔو میں کوئی کیوں ڈھونڈنے آتا ہے مجھے

باقی صدیقی

بھی پھرتی ہے کیا محفو کے گرد
کیا وہ سامنے آتا رہا
دھوپ کا رخ دیکھ کر چلتے ہیں لوگ
کوئی اپنے سامنے آتا نہیں
… کا جب تک خیال آتا رہا
… پر حادثہ چھاتا رہا
اک آنمیں حیات بدلتی ہے اپنا رنگ
اک دور کی طرح کوئی آتا ہے سامنے

جون ایلیا

اک سطر بھی کبھی نہ لکھی میں نے تیرے نام
پاگل تجھی کو یاد بھی آتا رہا ہوں میں

جگر مراد آبادی

یک بہ یک گھبرا کے جتنی دور ہٹ آتا ہوں میں
اور بھی اس شوخ کو نزدیک تر پاتا ہوں میں
تا کجا یہ پردہ داری ہائے عشق و لاف حسن
ہاں سنبھل جائیں دو عالم ہوش میں آتا ہوں میں

خواجہ میر درد

دردؔ کی قدر مرے یار سمجھنا واللہ
ایسا آزاد ترے دام میں یوں آتا ہے
گلی سے تری دل کو لے تو چلا ہوں
میں پہنچوں گا جب تک یہ آتا رہے گا

شکیب جلالی

غمِ دل حیطہِ تحریر میں آتا ہی نہیں
جو کناروں میں سمٹ جائے وہ دریا ہی نہیں
وہی جھکی ہوئی بیلیں، وہی دریچہ تھا
مگر وہ پھول سا چہرہ نظر نہ آتا تھا

عرفان صدیقی

جانے کیا ٹھان کے اٹھتا ہوں نکلنے کے لیے
جانے کیا سوچ کے دروازے سے لوٹ آتا ہوں
ساعتے چند کروں مشقِ گراں جانی بھی
جاں سپاری کا ہنر تو بہت آتا ہے مجھے

زہرا نگاہ

ہاتھوں کی بان کیں چھن چھن چھن ہنستی تھیں
پیروں کی جھانجھن کو غصہ آتا تھا

جوش ملیح آبادی

الجھن میں یکایک ہوتی ہے دم رکتا ہے دل بھر آتا ہے
جب کوئی تسلی دیتا ہے کچھ اور بھی جی گھبراتا ہے

حفیظ جالندھری

ہاں میرے مجروح تبسم خشک لبوں تک آتا جا
پھول کی ہست و بود یہی ہے کھلتا جا مرجھاتا جا

شاد عظیم آبادی

شادؔ وقتِ نزع تھا خاموش لیکن دیر تک
نام رہ رہ کر کسی کا زیرِ لب آتا رہا

شکیل بدایونی

وائے حیرت کہ بھری محفل میں
مجھ کو تنہا نظر آتا ہے کوئی

فانی بدایونی

آنسو تھے سو خشک ہوئے جی ہے کہ امڈا آتا ہے
دل پہ گھٹا سی چھائی ہے کھلتی ہے نہ برستی ہے

اختر ہوشیارپوری

میں نے یوں دیکھا اسے جیسے کبھی دیکھا نہ تھا
اور جب دیکھا تو آنکھوں پر یقیں آتا نہ تھا
سبھوں کو اپنی غرض تھی سبھوں کو اپنی بقا
مرے لیے مرے نزدیک کوئی آتا کیا

احمد فراز

جس سمت بھی دیکھوں نظر آتا ہے کہ تم ہو
اے جانِ جہاں یہ کوئی تم سا ہے کہ تم ہو

قتیل شفائی

نگاہوں میں خمار آتا ہوا محسوس ہوتا ہے
تصور جام چھلکاتا ہوا محسوس ہوتا ہے
قتیلؔ اب دل کی دھڑکن بن گئی ہے چاپ قدموں کی
کوئی میری طرف آتا ہوا محسوس ہوتا ہے

محسن احسان

غبار آشنائی اڑ رہا ہے
کوئی چہرہ نظر آتا کہاں ہے

میرا جی

لہروں سے لہریں ملتی ہیں ساگر امڈا آتا ہے
منجدھار میں بسنے والے نے ساحل پر جوت جگائی ہے

ناصر کاظمی

دن کا پھول ابھی جاگا تھا
دھوپ کا ہاتھ بڑھا آتا تھا
ناصر تیرا میت پرانا
تجھ کو یاد تو آتا ہو گا