مرزا غالب

اپنا احوالِ دلِ زار کہوں یا نہ کہوں
ہے حیا مانعِ اظہار، کہوں یا نہ کہوں
آتش کدہ ہے سینہ مرا رازِ نہاں سے
اے وائے اگر معرضِ اظہار میں آوے

مرزا رفیع سودا

پوچھے خدا سبب جو مرے اشتیاق کا
میری زباں سے ہو یہی اظہار دیکھنا

جگر مراد آبادی

ہشیار ہو اے بے خود و سرشار محبت
اظہارِ محبت! ارے اظہارِ محبت

عرفان صدیقی

یہ آئنہ گفتار کوئی اور ہے مجھ میں
سوچا بھی نہ تھا میں نے جو اظہار میں آیا

الطاف حسین حالی

بات جو دل میں چھپاتے نہیں بنتی حالیؔ
سخت مشکل ہے کہ وہ قابل اظہار نہیں

زہرا نگاہ

یوں کہنے کو پیرایۂ اظہار بہت ہے
یہ دل دلِ ناداں سہی خوددار بہت ہے

غلام محمد قاصر

دل میں مقتول کی تصویر لیے پھرتا ہوں
اور قاتل سے عقیدت کا بھی اظہار کروں