مرزا غالب

نہیں کرنے کا میں تقریر ادب سے باہر
میں بھی ہوں واقفِ اسرار، کہوں یا نہ کہوں

انشاء اللہ خان انشا

انشاؔ دکھا کے اور بھی اک جلوۂِ غزل
بند نقاب شاہد اسرار توڑیے

مصطفٰی خان شیفتہ

رندی میں بھی گئی نہ یہ مستوری و صلاح
آتا ہے مجھ کو محرمِ اسرار سے حجاب

جگر مراد آبادی

دلِ انساں اگر شائستہ اسرار ہو جائے
لبِ خاموش فطرت ہی لب گفتار ہو جائے
سینے میں اگر ہو دلِ بیدار محبت
ہر سانس ہے پیغمبر اسرار محبت

شکیب جلالی

اس کی ہر بات میں ہوتا ہے کسی بھید کا رنگ
وہ طلسمات کا پیکر ہے کہ اسرار کا شہر

مصطفی زیدی

سی دیے ہونٹ اسی شخص کی مجبوری نے
جس کی قربت نے کیا محرمِ اسرار مجھے

الطاف حسین حالی

حقیقت محرمِ اسرار سے پوچھ
مزا انگور کا مے خوار سے پوچھ

علی سردار جعفری

آفتابوں کی طرح جاگی ہے انسان کی جوت
جگمگاتا ہے سرا پردۂ اسرار کا رنگ

سیف الدین سیف

کعبہ جا کر بھی ہمیں کشف ہوا
بت کدے میں بھی کچھ اسرار کھلے

سیماب اکبر آبادی

جو انساں باریاب پردۂ اسرار ہو جائے
تو اس باطل کدے میں زندگی دشوار ہو جائے

عزیز حامد مدنی

جویان تازہ کاری گفتار کچھ کہو
تم بھی ہوئے ہو کاشف اسرار کچھ کہو

فراق گورکھپوری

طور تھا کعبہ تھا دل تھا جلوہ زار یار تھا
عشق سب کچھ تھا مگر پھر عالم اسرار تھا
ہو کے سر تا بہ قدم عالم اسرار چلا
جو چلا مے کدۂ عشق سے سرشار چلا