مرزا غالب

شکوہ سمجھو اسے یا کوئی شکایت سمجھو
اپنی ہستی سے ہوں بیزار، کہوں یا نہ کہوں
مجھ سے مت کہہ ’’تو ہمیں کہتا تھا اپنی زندگی‘‘
زندگی سے بھی مرا جی ان دنوں بیزار ہے

امام بخش ناسخ

ہجر جاناں میں ٹھہرتا ہی نہیں
کیا ہی میرے منہ سے ہے بیزار رنگ

حیدر علی آتش

ہم سا نہ کوئی چاہنے والا تھا تمہارا
مرتے تھے ہمیں جان سے بیزار ہمیں تھے

داغ دہلوی

جانتا ہوں کہ میری جان ہے تو
اور میں جان سے بیزار یہ کیا

مصحفی غلام ہمدانی

ازبسکہ جی ہے تجھ بن بیزار زندگی سے
بہتر ہے مجھ کو مرنا اے یار زندگی سے
ہم نے تو اس کو ہرگز یارو کہا نہ تھا کچھ
کچھ یوں ہی ہو گیا وہ بیزار بیٹھے بیٹھے

مرزا رفیع سودا

آئے جو بزم میں تو اٹھا چہرے سے نقاب
پروانے ہی کو شمع سے بیزار کر چلے

باقی صدیقی

راس آتی نہیں تنہائی بھی
اور ہر شخص سے بیزار بھی ہیں

ماجد صدیقی

گل بہ گل حسن، میرا طلب گار تھا
جانے میں کیوں گلستاں سے بیزار تھا
منہ سے کہنا اگرچہ نہ آیا اسے
بور تھا مجھ سے وہ سخت بیزار تھا

رسا چغتائی

آئے موسمِ گل دیکھیں وہ کس کس کو زنجیر کریں
اب کے سنا ہے اہلِ چمن بھی بیٹھے ہیں بیزار بہت

شکیل بدایونی

جو سنا کرتے تھے ہنس ہنس کے کبھی نامۂ شوق
اب مری شکل سے بیزار نظر آتے ہیں

قتیل شفائی

آواز جو میں دوں تو کسی اور کو چھو لے
اس آنکھ مچولی سے وہ بیزار ہی کب تھا

محسن احسان

خود سے نا خوش غیر سے بیزار ہونا تھا ہوئے
ہم کو گرد کوچہ و بازار ہونا تھا ہوئے

نوح ناروی

کیوں رحم وہ ظالم کرنے لگا کیوں موت یہاں تک آنے لگی
الفت سے مری صورت سے مری بیزار ہوئی بیزار ہوا
اے نوحؔ یہ کیا سوجھی تم کو طوفان اٹھایا کیوں تم نے
ساری دنیا سارا عالم بیزار ہوئی بیزار ہوا