مرزا غالب

آپ سے وہ مرا احوال نہ پوچھے تو اسدؔ
حسبِ حال اپنے پھر اشعار کہوں یا نہ کہوں
گنجینۂِ معنی کا طلسم اس کو سمجھیے
جو لفظ کہ غالب مرے اشعار میں آوے

امام بخش ناسخ

حالِ دل کہنے کا ناسخؔ جو نہیں پاتا بار
پھینک جاتا ہے وہ اشعار ترے کوچے میں

انشاء اللہ خان انشا

سو خوب جانتے ہیں کہ ہر ایک رنگ کے
انشاؔ کی ہر غزل میں ہیں اشعار چار پانچ

حیدر علی آتش

اتنی ہی ہے نمود میری یار کے لیے
شہرہ ہے جس قدر مرے اشعار کے لیے

داغ دہلوی

باتیں سنیے تو پھڑک جائیے گا
گرم ہیں‌ داغ کے اشعار یہ کیا
کوئی نہ کوئی ہر اک شیر میں ہے بات ضرور
جناب داغؔ کے اشعار دیکھتے جاؤ
کس بیکسی سے داغ نے افسوس جان دی
پڑھ کر ترے فراق کے اشعار مر گیا

مصحفی غلام ہمدانی

گو میں ہوا مقیم تو کیا ڈر ہے مصحفیؔ
سیر و سفر میں ہیں مرے اشعار ہر طرف
اے مصحفیؔ انہیں میں صنعت نہیں کچھ اپنی
لکھ ڈالے ہم نے کل یہ اشعار بیٹھے بیٹھے

مصطفٰی خان شیفتہ

شعر بس اب نہ کہوں گا کہ کوئی پڑھتا تھا
اپنے حالی مرے اشعار ترے کوچے میں

مومن خان مومن

مومنؔ اسی نے مجھ سے دی برتری کسی کو
جو پست فہم میرے اشعار تک نہ پہنچا

مرزا رفیع سودا

تسکینِ دل نہ اس میں بھی پائی تو بہر شغل
پڑھنا یہ شعر گر کبھو اشعار دیکھنا

عرفان صدیقی

یہ غزل لکھ کے حریفوں پہ اڑا دی میں
جم رہی تھی مرے آئینہ اشعار پہ خاک
سو ہم نذرِ فراموشی یہ سب اشعار کردیں گے
وہ ہم سے کہہ رہا ہے کیا مجھے بیمار کردیں گے