مرزا غالب

لاف تمکیں، فریب سادہ دلی
ہم ہیں، اور راز ہائے سینہ گداز
صرفہ ہے ضبط آہ میں میرا، وگرنہ میں
طعمہ ہوں ایک ہی نفسِ جاں گداز کا

داغ دہلوی

شمعِ رو آپ گو ہوئے لیکن
لطف سوز و گداز کیا جانیں

شیخ ابراہیم ذوق

ڈرتا ہوں خنجر اس کا نہ بہہ جائے ہو کے آب
میرے گلے میں نالۂِ آہن گداز ہے

مصحفی غلام ہمدانی

اے آہ اس کے دل میں تاثیر ہو تو جانوں
ہے ورنہ کام کتنا پتھر گداز کرنا

مومن خان مومن

کیا سبھی سینے جل چکے کیا سبھی دل پگھل چکے
بوئے کباب اب نہیں آہِ جگر گداز میں

فیض احمد فیض

دل کا ہر تار لرزش پیہم
جاں کا ہر رشتہ وقف سوز و گداز

عرفان صدیقی

ہوا کا چلنا‘ دریچوں کا باز ہو جانا
ذرا سی بات پہ دل کا گداز ہو جانا

شاذ تمکنت

یہ ہے خار خار وادی یوں ہی زخم زخم چلنا
یہ ہے پتھروں کی بستی یوں ہی دل گداز رکھنا

ناصر کاظمی

وہی دنوں میں تپش ہے وہی شبوں میں گداز
مگر یہ کیا کہ مری زندگی میں سوز نہ ساز