باقی صدیقی

اخلاص کو مجبورِ فغاں دیکھ رہے ہیں
انداز جہانِ گزراں دیکھ رہے ہیں
سود یاد آیا، زیاں یاد آیا
پھر جہانِ گزراں یاد آیا

عرفان صدیقی

تن پہ یہ خاکِ گزر دیکھ کے یاد آتا ہے
ساتھ میں تھی کوئی موجِ گزراں بھی شاید
موجِ گل ہے نہ کہیں آبِ رواں ہے جاناں
ساتھ ہے کوئی تو عمر گزراں ہے جاناں
جانتے ہو کہ کوئی موج مٹا دے گی اسے
پھر بھی کیا کیا سرِ ریگِ گزراں لکھتے ہو
میں تو اک منظرِ رفتہ ہوں مجھے کیا معلوم
اب جہانِ گزراں کس کی طرف دیکھتا ہے
ساعتِ وصل بھی عمر گزراں سے کم ہے
کیا سمندر ہے کہ اک موجِ رواں سے کم ہے
یہ مرا وہم ہے یا مجھ کو بلاتے ہیں وہ لوگ
کان بجتے ہیں کہ موجِ گزراں بولتی ہے

سید ضمیر جعفری

کچھ ہمارے بھی ستارے ترے دامن پہ رہیں
ہم بھی کچھ خواب جہانِ گزراں رکھتے ہیں
ہر حادثہ نو سے الجھتے گئے ہر گام
ہم رہ گزر‌ شوق سے گزراں نہیں گزرے

شان الحق حقی

یک بیک روح میں اٹھا ہے وہ طوفان خموش
وادی گل میں نسیم گزراں ہو جیسے

فراق گورکھپوری

منزلیں گرد کے مانند اڑی جاتی ہیں
وہی انداز جہانِ گزراں ہے کہ جو تھا