باقی صدیقی

زندگی کے مرحلے دنیا کی خاطر طے کروں
اور محبت کے لیے میں عمر بھر پیاسا رہوں

جون ایلیا

میرا تالو تر کر دو
سچ مچ پیاسا لگتا ہوں

شکیب جلالی

یہ ایک ابر کا ٹکڑا کہاں کہاں برسے
تمام دشت ہی پیاسا دکھائی دیتا ہے

عرفان صدیقی

منظر وہی، پیکر وہی، دیکھیں کوئی پیاسا بھی ہے
لشکر بھی ہے ، خنجر بھی ہے ، پہرا بھی ہے ، دریا بھی ہے
دلِ افسردہ کے ہر سمت ہے رشتوں کا ہجوم
جیسے انسان سمندر میں بھی پیاسا رہ جائے

فارغ بخاری

کیا کہیں دیدہ ورو ہم تو وہ دریا دل ہیں
کبھی ساحل کو بھی پیاسا نہیں رہنے دیتے

ثروت حسین

میں اپنی پیاس کے ہم راہ مشکیزہ اٹھائے
کہ ان سیراب لوگوں میں کوئی پیاسا ملے گا

رسا چغتائی

ہجوم تشنگاں ہے اور دریا
سمجھتا ہے کوئی پیاسا نہیں ہے

احمد فراز

ہر کوئی دل کی ہتھیلی پہ ہے صحرا رکھے
کس کو سیراب کرے وہ کسے پیاسا رکھے

قتیل شفائی

جھمکتے جھومتے موسم کا دھوکا کھا رہا ہوں میں
بہت لہرائے ہیں بادل مگر پیاسا رہا ہوں میں

ناصر کاظمی

پہلی بارش بھیجنے والے
میں ترے درشن کا پیاسا تھا
تیرے ہونٹ بھی خشک ہوئے تھے
میں تو خیر بہت پیاسا تھا
اپنی لہر ہے اپنا روگ
دریا ہوں اور پیاسا ہوں
سنا ہے رات بھر برسا ہے بادل
مگر وہ شہر جو پیاسا رہا ہے
یوں تو شبنم بھی ہے دریا
یوں تو دریا بھی پیاسا ہے