باقی صدیقی

کس توقع پہ آرزو کی تھی
کام آیا نہ آسرا کوئی

جگر مراد آبادی

دل کو کیا کیا سکون ہوتا ہے
جب کوئی آسرا نہیں ہوتا

عرفان صدیقی

یہ ریگِ زرد ردا ہے برہنہ سر کے لیے
اجاڑ دشت میں چادر کا آسرا کیسا

احسان دانش

رہے جو زندگی میں زندگی کا آسرا ہو کر
وہی نکلے سریر آرا قیامت میں خدا ہو کر

بہزاد لکھنوی

تمہاری بزم میں لب کھول کر ہوا خاموش
وہ بد نصیب جسے کوئی آسرا نہ ملا

بیخود بدایونی

اتنی مایوسیاں بھی کیا بیخودؔ
کیا خدا کا بھی آسرا نہ رہا

عبید اللہ علیم

شکستہ حال سا بے آسرا سا لگتا ہے
یہ شہرِ دل سے زیادہ دکھا سا لگتا ہے