مرزا غالب

نہ جانوں نیک ہوں یا بد ہوں، پر صحبت مخالف ہے
جو گل ہوں تو ہوں گلخن میں جو خس ہوں تو ہوں گلشن میں
آبرو کیا خاک اس گل کی، کہ گلشن میں نہیں
ہے گریبان ننگِ پیراہن جو دامن میں نہیں
قفس میں ہوں گر اچھا بھی نہ جانیں میرے شیون کو
مرا ہونا برا کیا ہے نوا سنجانِ گلشن کو

حیدر علی آتش

نہ مل اے لعبت چین عطرِ گل زار
گلا کاٹیں گے گلشن پر ہزاروں

مصطفٰی خان شیفتہ

صحرا بنا رہا ہے وہ افسوس شہر کو
صحرا کو جس کے جلوے نے گلشن بنا دیا

یگانہ چنگیزی

چھپیں گے کیا اسیران بلا صحرا کے دامن میں
محبت دام کی پھر کھینچ کر لائے گی گلشن میں

جگر مراد آبادی

کوئی یہ کہہ دے گلشن گلشن
لاکھ بلائیں ایک نشیمن
پھول کھلے ہیں گلشن گلشن
لیکن اپنا اپنا دامن
چلتی پھرتی چھاؤں ہے پیارے
کس کا صحرا کیسا گلشن

قمر جلالوی

ہمیں کیا جب کہ رہنا ہی منظور نہیں گلشن میں
گرے بجلی چمن پر آگ لگ جائے نشیمن میں
میں قفس سے چھٹ کے جب آیا تو اتنا فرق تھا
برق تھی گلشن کے اندر میں تھا گلشن کے قریب