باقی صدیقی

بیٹھے بیٹھے چمک اٹھتی ہیں نگاہیں باقیؔ
دور کی شمع کہیں اتنی قریں ہوتی ہے

عبدالحمید عدم

ہر چند میرے حق میں ہے یہ رحمتِ خدا
آنچل مرے قریں نہ کرو میں نشے میں ہوں

قمر جلالوی

کوئی ضد نہ تھی کوچے میں در ہی کے قریں، ہوتی
جہاں پر آپ کہہ دیتے مری تربت وہیں ہوتی

عرفان صدیقی

یہ جانتے ہوئے ہم پانیوں میں اترے ہیں
کہ ڈرنے والے بھنور کے قریں نہیں جاتے
شور کرنا ہمیں بے وجہ نہیں آ گیا ہے
کوئی خنجر رگِ گردن کے قریں آ گیا ہے

ادا جعفری

مجھے رنگ خواب سے زندگی کا یقیں ملا
کبھی دل دکھا تو کچھ اور بھی وہ قریں ملا

بہزاد لکھنوی

ارے اے چارہ گر ہاں ہاں خلش تو جس کو کہتا ہے
یہ شے دل میں نہیں دل کے قریں معلوم ہوتی ہے

سلام مچھلی شہری

غم مسلسل ہو تو احباب بچھڑ جاتے ہیں
اب نہ کوئی دلِ تنہا کے قریں آئے گا

اختر ہوشیارپوری

میں اپنی آواز کے تعاقب میں ماورائے نظر بھی پہنچا
مگر پلٹ کر نہ اس نے پوچھا کہ میں خلا کے بہت قریں تھا