جون ایلیا

ہم تو آئے تھے عرض مطلب کو
اور وہ احترام کر رہے ہیں

جگر مراد آبادی

حسن کے احترام نے مارا
عشق بے ننگ و نام نے مارا

عبدالحمید عدم

مشکل یہ آ پڑی ہے کہ گردش میں جام ہے
اے ہوش ورنہ مجھ کو ترا احترام ہے
مجھ کو مے سے بڑی محبت ہے
میں بصد احترام پیتا ہوں

عرفان صدیقی

شگفت اسم محمد کا وقت ہے دل میں
یہاں نسیمِ سحر احترام سے آئے

اسرار الحق مجاز

عشق کو پوچھتا نہیں کوئی
حسن کا احترام ہوتا ہے
پھر کسی کے سامنے چشم تمنا جھک گئی
شوق کی شوخی میں رنگ احترام آ ہی گیا

آنس معین

ہر ایک شہر کا معیار مختلف دیکھا
کہیں پہ سر کہیں پگڑی کا احترام ہوا

ماجد صدیقی

ملی فلک سے تو جو آبرو، ملی اس کو
ہمیں بھی چاہیے انساں کا احترام کریں

ثروت حسین

سوچتا ہوں دیار بے پروا
کیوں مرا احترام کرنے لگا

شکیل بدایونی

پاسباں کرتے رہے سرگوشیاں ہی اور کچھ
ان کی محفل سے بہ عزِ و احترام آ ہی گیا

مجروح سلطان پوری

غلام رہ چکے توڑیں یہ بند رسوائی
کچھ اپنے بازوئے محنت کا احترام کریں
غلام رہ چکے توڑیں یہ بند رسوائی
کچھ اپنے بازوئے محنت کا احترام کریں