مرزا غالب

چشمِ پر نم رہ، زمانہ منقلب ہے اے اسدؔ
اب یہی ہے بس مے شادی سے پر ہونا ایاغ
بے مے کسے ہے طاقت آشوب آ گہی
کھینچا ہے عجزِ حوصلہ نے خط ایاغ کا

امام بخش ناسخ

مے سے روشن رہے ایاغ اپنا
گل نہ ہو ساقیا چراغ اپنا
ہجر میں تر ہو کیا دماغ اپنا
خشک لب آپ ہے ایاغ اپنا

مصحفی غلام ہمدانی

پھر اتنی درنگ کیا ہے ساقی
مے ہے یہ اور ایاغ ہے یہ
اتنا بے سدھ نہیں میں اے ساقی
خالی دیتا ہے تو ایاغ کسے

مرزا رفیع سودا

نہیں ہے جائے ترنم یہ بوستاں کہ نہیں
سوائے خونِ جگر مے ایاغ میں گل کے

الطاف حسین حالی

آئیں پییں وہ شوق سے جو اہلِ ظرف ہوں
ساقی بھرے کھڑا ہے مئے لعل سے ایاغ