عبدالحمید عدم

مے کدہ کے موڑ پر رکتی ہوئی
مدتوں کی تشنگی تھی میں نہ تھا

زہرا نگاہ

چھلک رہی ہے مئے ناب تشنگی کے لیے
سنور رہی ہے تری بزم برہمی کے لیے

علی سردار جعفری

ساقی سے جو جام لے نہ بڑھ کر
وہ تشنگی تشنگی نہیں ہے

شاذ تمکنت

کبھی ریگِ رواں سے پیاس بجھ جاتی ہے رہرو کی
کبھی دریا کے ہاتھوں تشنگی تقسیم ہوتی ہے
تری نظر سبب تشنگی نہ بن جائے
کہیں شراب مری زندگی نہ بن جائے

فراق گورکھپوری

جو چڑھا جائے خمستان جہاں
ہاں وہی لب تشنگی درکار ہے

قابل اجمیری

صراحی کا بھرم کھلتا نہ میری تشنگی ہوتی
ذرا تم نے نگاہِ ناز کو تکلیف دی ہوتی

محبوب خزاں

نگار مے کدہ سب سے زیادہ قابل رحم
وہ تشنہ کام ہیں جو تشنگی سے کھیلتے ہیں