عبدالحمید عدم

جس نے مہ پاروں کے دل پگھلا دیے
وہ تو میری شاعری تھی میں نہ تھا

عرفان صدیقی

کھلا کہ تیرا ہی پیکر مثالِ صورتِ سنگ
چھپا ہوا تھا مری شاعری میں پہلے سے

احسان دانش

مژدہ کہ نا مراد عشق تیری غزل کا ہے وہ رنگ
وہ بھی پکار اٹھے کہ یہ سحر ہے شاعری نہیں

بہزاد لکھنوی

بہزادؔ صاف صاف میں کہتا ہوں حالِ دل
شرمندۂ کمال مری شاعری نہیں

اختر امام رضوی

میں اس کو نور کا پیکر کہوں کہ جان خیال
جو میرے دل پہ اترتا ہے شاعری کی طرح

جلیل مانک پوری

صرف جب تک نہ خونِ دل ہو جلیلؔ
رنگ پر شاعری نہیں آتی

سلام مچھلی شہری

لوگ چار ہی دن میں بن گئے سلامؔ اے دل
اور خود مجھے اب تک شاعری نہیں آئی
حقیقتوں کی تلخیوں کے مسئلے کچھ اور ہیں
مگر خیال و خواب کی یہ شاعری قبول ہو

فراق گورکھپوری

فراقؔ ہمنوائے ‌‌ میرؔ و غالبؔ اب نئے نغمے
وہ بزم زندگی بدلی وہ رنگ شاعری بدلا
میری غزلوں میں حقائق ہیں فقط
آپ کو تو شاعری درکار ہے

کیف بھوپالی

تجھے کون جانتا تھا مری دوستی سے پہلے
ترا حسن کچھ نہیں تھا مری شاعری سے پہلے
شاعر حکایتیں نہ سنا وصل و عشق کی
اتنا بڑا مذاق نہ کر شاعری کے ساتھ