قمر جلالوی

عدو شب کو ملتے ہیں ہر راستے میں نتیجہ ہی کیا ان کی رسوائیاں ہوں
قمر چاندنی آج پھیلی ہوئی ہے انہیں تم بلانے کی کوشش نہ کرنا

عرفان صدیقی

ابھی کھلا بھی نہ تھا رختِ شوقِ دلی میں
کہ پھر ہمیں کششِ لکھنٔو بلانے لگی
کھل رہے ہوں گے چھتوں پر سانولی شاموں کے بال
کتنی یادیں ہم کو گھر واپس بلانے آ گئیں

احمد فراز

دل دھڑکتا ہے سفر کے ہنگام
کاش پھر کوئی بلانے آئے

کیف بھوپالی

میں نے جب پہلے پہل اپنا وطن چھوڑا تھا
دور تک مجھ کو اک آواز بلانے آئی