مرزا غالب

جان کر کیجے تغافل کہ کچھ امید بھی ہو
یہ نگاہِ غلط انداز تو سم ہے ہم کو

انشاء اللہ خان انشا

رات تریاک نشہ نے تو الٹ ڈالا واہ
کوئی گھولا تو وہ تھا کاسۂِ سم یا معبود

بہادر شاہ ظفر

ہے صبر جنہیں تلخ کلامی کو تمہاری
شربت ہی بتاتے ہیں سم کہہ نہیں سکتے
دلاؤ حضرتِ دل تم نہ یاد خط سبز اس کا
کہیں ایسا نہ ہو یہ سم ہمیں بھی ہو تمہیں بھی ہو

حیدر علی آتش

دوست ہی دشمنِ جاں ہو گیا اپنا آتشؔ
نوش داروں نے کیا یاں اثر سم پیدا

مصطفٰی خان شیفتہ

کب ہمیں حاجتِ پرہیز پڑی
غم نہ کھایا تھا کہ سم یاد آیا

ادا جعفری

وہ ایک جام کہاں ہر کسی کی قسمت میں
وہ ایک ظرف کہ اعجاز‌ سم کو پہچانے

ضیا جالندھری

اس کی گفتار نے چھوڑا نہ کہیں کا ہم کو
ذائقہ شہد سا تھا اور اثر سم کی طرح

ماجد صدیقی

دل کو تسکیں جو صنم دیتے ہیں
شہد میں گھول کے سم دیتے ہیں

حفیظ ہوشیارپوری

کچھ چارۂ درد آشنائی
کس سوچ میں گم سم آشنا ہیں

عزیز حامد مدنی

شیر‌ وطن کے پیالے پہ تھیں کل ضیافتیں
آیا جو تا بہ لب تو فقط سم سا رہ گیا

فراق گورکھپوری

ہے وہی عشق زندہ و جاؤید
جسے آبِ حیات بھی سم ہے

قتیل شفائی

بھولا تو نہ ہو گا تجھے سقراط کا انجام
ہاتھوں میں ترے ساغر سم ہے تو مجھے کیا