مرزا غالب

شبِ وصال میں مونس گیا ہے بن تکیہ
ہوا ہے موجب آرام جان و تن تکیہ

داغ دہلوی

بھویں تنتی ہیں خنجر ہاتھ میں ہے تن کے بیٹھے ہیں
کسی سے آج بگڑی ہے کہ وہ یوں بن کے بیٹھے ہیں
یہ اٹھنا بیٹھنا محفل میں ان کا رنگ لائے گا
قیامت بن کے اٹھیں گے بھبوکا بن کے بیٹھے ہیں

مصحفی غلام ہمدانی

پھر یہ کیسا ادھیڑ بن سا لگا
جان غم دیدہ کو جو گھن سا لگا
اس نے جس وقت اور سر کھینچا
نخلِ قد اس کا سرو بن سا لگا
شب ہم کو جو اس کی دھن رہی ہے
کیا جی میں ادھیڑ بن رہی ہے

عرفان صدیقی

وہ بستیوں میں یہ انداز بھول جائے گا
ہرن کی شوخی رفتار بن کا جادو ہے
کسی کے وعدۂ فردا کے برگ و بار کی خیر
یہ آگ ہجر کے بن کی طرف سے آتی ہے
آباد نہیں اس سے فقط وصل کی بستی
وہ پھول ہے اور ہجر کے بن میں بھی وہی ہے

مجید امجد

اس جلتی دھوپ میں یہ گھنے سایہ دار پیڑ
میں اپنی زندگی انہیں دے دوں جو بن پڑے

رئیس فروغؔ

شہرِ گل کاسۂ درویش بنا بیٹھا ہے
کوئی شعلہ کسی جلتے ہوئے بن سے آئے
میرے دن تو بیت گئے
اپنے آپ سے ان بن میں

زہرا نگاہ

ہنستی بستی راہوں کا خوش باش مسافر
روزی کی بھٹی کا ایندھن بن جاتا ہے

شاذ تمکنت

مسافر راہ میں ہے شام گہری ہوتی جاتی ہے
سلگتا ہے تری یادوں کا بن آہستہ آہستہ

فراق گورکھپوری

لہلہاتا ہوا یہ قد یہ لہکتا جوبن
زلف سو مہکی ہوئی راتوں کا بن کیا کہنا

قتیل شفائی

یہ مرا بجھتا سلگتا سن یہ میرے رات دن
کس طرح کٹتے بھلا تجھ بن یہ میرے رات دن

مجروح سلطان پوری

اس کو دیکھا نہیں تم نے کہ یہی کوچہ و راہ
شاخِ گل شوخی رفتار سے بن جاتے ہیں
آبلہ پا کوئی گزرا تھا جو پچھلے سن میں
سرخ کانٹوں کی بہار آئی ہے اب کے بن میں

محسن نقوی

یہ کم تو نہیں تو مرا معیار نظر ہے
اے دوست مرے واسطے کچھ اور نہ بن تو

ناصر کاظمی

تنہا عیش کے خواب نہ بن
کبھی ہماری بات بھی سن
اے گلستانِ شب کے چشم و چراغ
کبھی اجڑے دلوں کے بن میں آ
دل ہے مرا لہو لہو تاب نہ لا سکے گا تو
اے مرے تازہ ہمنشیں تو مرا ہم سبو نہ بن