مرزا غالب

کیوں نہ فردوس میں دوزخ کو ملا لیں، یا رب
سیر کے واسطے تھوڑی سی فضا اور سہی

بہادر شاہ ظفر

یار تھا گلزار تھا مے تھی فضا تھی میں نہ تھا
لائق پا بوس جاناں کیا حنا تھی میں نہ تھا

مصطفٰی خان شیفتہ

اک دم کے نہ ملنے پہ نہیں ملتے ہیں مجھ سے
اے شیفتہؔ مایوسی امید فضا دیکھ

جون ایلیا

بال و پر خیال کو اب نہیں سمت و سو نصیب
پہلے تھی اک عجب فضا اور جو پر فضا بھی تھی

عرفان صدیقی

ڈوبتی شام پرندوں کی نوا بھی خاموش
دل میں سناٹا تو باہر کی فضا بھی خاموش

رئیس فروغؔ

آتے جاتے رہے موسم کیا کیا
جو فضا تھی وہ فضا ہے مجھ میں
یہ کشادہ کشادہ فضا ہر طرف
اور یہ ایک ہی راستہ ہر طرف
فضا ملول تھی میں نے فضا سے کچھ نہ کہا
ہوا میں دھول تھی میں نے ہوا سے کچھ نہ کہا

احسان دانش

احسانؔ اپنے وقت پہ موت آئے گی مگر
جینے کا مشورہ نہیں دیتی فضا مجھے

اختر شیرانی

ہوئی مدت کے مے نوشی سے توبہ کر چکے اخترؔ
مگر دہلی کی مستانہ فضا کچھ اور کہتی ہے

عبید اللہ علیم

میں کون سا خواب دیکھتا ہوں
یہ کون سے ملک کی فضا ہے
ختم ہو گا نہ کبھی سلسلۂ اہلِ وفا
سوچ اے داور مقتل یہ فضا کیوں چپ ہے

تلوک چند محروم

انتظار ابر میں محرومؔ بھی ہے بے قرار
اپنی رحمت سے دکھا اس کو فضا برسات کی

جوش ملیح آبادی

حیرت ہے آہ صبح کو ساری فضا سنے
لیکن زمیں پہ بت نہ فلک پر خدا سنے

افضل منہاس

چہرے تھے کہ مرقد کی طرح نوحہ بلب تھے
کیا کیا نہ رلایا مجھے مانوس فضا نے
کبھی دریچے سمندر کی سمت کھلتے تھے
ترس گیا ہوں مگر اب کھلی فضا کے لیے

قیوم نظر

پتے پتے کا رنگ بدلا
بدلی بدلی ہوئی فضا ہے

محسن احسان

سانس لیتے ہوئے سینے میں جلن ہوتی ہے
میں ترے شہر کی شاداب فضا کیا کرتا

ناصر کاظمی

جب ذرا تیز ہوا ہوتی ہے
کیسی سنسان فضا ہوتی ہے
ان سہمے ہوئے شہروں کی فضا کچھ کہتی ہے
کبھی تم بھی سنو یہ دھرتی کیا کچھ کہتی ہے