مرزا غالب

گردشِ بخت نے مایوس کیا ہے لیکن
اب بھی ہر گوشۂِ دل میں کی ارماں ہوں گے

مصطفٰی خان شیفتہ

نہ گھر آیا، نہ جنازے پہ، نہ مرقد پہ کبھی
حیف صد حیف نہ نکلا کوئی ارماں میرا

مومن خان مومن

ایک ہم ہیں کہ ہوئے ایسے پشیمان کہ بس
ایک وہ ہیں کہ جنہیں چاہ کے ارماں ہوں گے

باقی صدیقی

وہ رگِ دل میں رگِ جاں میں رہے
پھر بھی ہم ملنے کے ارماں میں رہے
کرنا پڑے ہے جس کے لیے غیر کا طواف
وہ غم نہ لیجیے نہ وہ ارماں خریدیے

قمر جلالوی

کیا سے کیا یہ او دشمنِ جاں تیرا پیکاں ہو گیا
تھا کماں تک تیر دل میں آ کے ارماں ہو گیا
چارہ گر کیونکر نکالے دل میں پنہاں ہو گئیں
ٹوٹ کر نوکیں ترے تیروں کی ارماں ہو گئیں

مجید امجد

مل کر سب تعمیر کریں اک ارماں
اک یہ ملک، اور رزق اور گیت اور خوشیاں

اختر شیرانی

آرزو وصل کی رکھتی ہے پریشاں کیا کیا
کیا بتاؤں کہ مرے دل میں ہیں ارماں کیا کیا
میرے ارمان سے واقف نہیں شرمائیں گے آپ
آپ کیوں کھاتے ہیں ناحق مرے ارماں کی قسم

بہزاد لکھنوی

سادہ سا اک ورق ہوں کتاب حیات کا
حسرت سے اب نہ اب کوئی ارماں ہے کیا کروں

بیان میرٹھی

بلا سے چور کر دو چور کر دو شیشۂ دل کو
اسی میں قید حسرت تھی اسی میں بند ارماں تھا
اکیلے اے بتو ہم بھی نہ سوئے کنج مرقد میں
جو اس پہلو میں حسرت تھی تو اس پہلو میں ارماں تھا
قیامت تک پس از مردن رہی اک ٹیس سی دل میں
وہ کہتے ہیں کہ پیکاں تھا میں کہتا ہوں کہ ارماں تھا

زہرا نگاہ

بھڑک رہا ہے ابھی تک چراغ آخرِ شب
اسے بھی صبح کا ارماں ہے دیکھیے کیا ہو

حسرت موہانی

خون ہو کر تو یہ دل آنکھ سے برسوں ٹپکا
نہ کوئی پر دلِ ناکام کا ارماں نکلا

حفیظ جالندھری

ان گیسوؤں میں شانۂ ارماں نہ کیجیے
خونِ جگر سے دعوتِ مژگاں نہ کیجیے

شاد عظیم آبادی

تو نے دیدار کا جن جن سے کیا ہے وعدہ
ہائے رے ان کی خوشی ہائے رے ارماں ان کا
وہ مٹا کیوں نہیں دیتے مجھے حیرت تو یہ ہے
ان کے کہنے میں ہے دل دل میں ہے ارماں ان کا
ہم شبِ ہجر کے جاگے نہ قیامت میں اٹھیں
جب تلک خواب سے چونکائے نہ ارماں ان کا
مرنے والوں کا اگر ساتھ دیا پورا کر
لے جنازہ بھی اٹھا حسرت و ارماں ان کا

شبلی نعمانی

کیا قیامت ہے کہ کوئے یار سے
ہم تو نکلے اور ارماں رہ گیا

فانی بدایونی

آ گئی ہے ترے بیمار کے منہ پر رونق
جان کیا جسم سے نکلی کوئی ارماں نکلا
خوں رلایا عمر بھر شوکتؔ فراقِ یار نے
مرتے مرتے بھی نہ نکلا کوئی ارماں بھول کر

امیر مینائی

اے جوانی، یہ ترے دم کے ہیں، سارے جھگڑے
تو نہ ہو گی، تو نہ یہ دل، نہ یہ ارماں ہو گا

فراق گورکھپوری

آنکھ وہ ہے جو تری جلوہ گہہ ناز بنے
دل وہی ہے جو سراپا ترا ارماں ہو جائے