مرزا غالب

ہو گا کوئی ایسا بھی کہ غالب کو نہ جانے ؟
شاعر تو وہ اچھا ہے پہ بدنام بہت ہے

بہادر شاہ ظفر

کر مجھے قتل وہاں اب کہ نہ ہو کوئی جہاں
تا مری جاں تو کہیں خلق میں بدنام نہ ہو

باقی صدیقی

ایک سے ایک ملا ہے بڑھ کر جس کے بھی نزدیک گئے
کس کس سے ہم الجھیں باقیؔ کس کس کو بدنام کریں
محبت اور اطوار زمانہ
کیا اپنی وفا کو ہم نے بدنام
اتنا جرم نہ تھا باقیؔ
جتنے ہوئے ہیں ہم بدنام

عبدالحمید عدم

پہلے مرے خلوص کو دیتے رہے فریب
آخر مرے خلوص کو بدنام کر دیا
وہ چشمِ مست کتنی خبردار تھی عدمؔ
خود ہوش میں رہی ہمیں بدنام کر دیا

قمر جلالوی

سن کے نامِ عشق برہم وہ بتِ خود کام ہے
میں نہ سمجھا تھا محبت اس قدر بدنام ہے

مجید امجد

ایک ایک جھروکا خندہ بہ لب، ایک ایک گلی کہرام
ہم لب سے لگا کر جام، ہوئے بدنام، بڑے بدنام

بیان میرٹھی

ہو حقیقی یا مجازی عشق کی حالت نہ پوچھ
خانقہ میں مے ہے اور مے خانہ میں بدنام رقص
صومعہ میں وجہ صد تحسیں ہوا صوفی کا حال
مے کدہ میں آن کر کیوں ہو گیا بدنام رقص

ظہیر کاشمیری

کچھ بس نہ چلا جذبۂ خود کام کے آگے
جھکنا ہی پڑا اس بت بدنام کے آگے