مرزا غالب

زکاتِ حسن دے ، اے جلوۂِ بینش، کہ مہر آسا
چراغِ خانۂِ درویش ہو کاسہ گدائی کا

حیدر علی آتش

ہوئی منظور محتاجی نہ تجھ کو اپنی سائل کے
بنایا کاسۂِ سر واژگوں کاسہ گدائی کا

باقی صدیقی

جو مانگنا ہے مانگئے وہ اللہ سے اپنے
تسکیں کبھی دنیا کی گدائی نہیں دیتی

ماجد صدیقی

وفا کی جنس ہے ہر جنس خوردنی جیسے
کہ زر بھی ہاتھ میں کاسہ ہوا گدائی کا

جوش ملیح آبادی

مرا جام شب سلیماں ہمہ تاج خسروانہ
مری چشم روز پیما ہمہ کاسۂ گدائی

حسرت موہانی

دل نے برسوں بہ جستجوئے کمال
کوچۂ عشق میں گدائی کی

شاد عظیم آبادی

میں جو حاصل ترے کوچے کی گدائی کرتا
بندگی کہتے ہیں کس شے کو خدائی کرتا

عزیز حامد مدنی

دلوں کو مرکز اسرار کر گئی جو نگہ
اسی نگہ کی گدائی کا وقت ہے کہ نہیں

فانی بدایونی

جلوۂ یار کا بھکاری ہوں
شش جہت کاسۂ گدائی ہے

احمد فراز

دکھ ہوا جب اس در پر کل فرازؔ کو دیکھا
لاکھ عیب تھے اس میں خو نہ تھی گدائی کی
فرازؔ دولتِ دل ہے متاع محرومی
میں جامِ جم کے عوض کاسۂ گدائی نہ دوں
میں تو اس صبحِ درخشاں کو تونگر جانوں
جو مرے شہر سے کشکول گدائی لے لے