مرزا غالب

نہ مارا جان کر بے جرم، غافل! تیری گردن پر
رہا مانندِ خونِ بے گنہ حق آشنائی کا
نظر بازی طلسمِ وحشت آباد پرستاں ہے
رہا بیگانۂِ تاثیر افسوں آشنائی کا

بہادر شاہ ظفر

گلہ ہوتا ہے آشنائی میں
آشنائی نہیں تو پھر کیا ہے

حیدر علی آتش

حباب آسا میں دم بھرتا ہوں تیری آشنائی کا
نہایت غم ہے اس قطرے کو دریا کی جدائی کا
تعلق روح سے مجھ کو جسد کا نا گوارا ہے
زمانے میں چلن ہے چار دن کی آشنائی کا

داغ دہلوی

کب نکلتا ہے اب جگر سے تیر
یہ بھی کیا تیری آشنائی ہے

مصحفی غلام ہمدانی

یہی ہے اس کی گر بیگانہ وضعی
تو ہم سے آشنائی ہو چکی بس