مرزا غالب

ہے بارے اعتمادِ وفاداری اس قدر
غالب ہم اس میں خوش ہیں کہ نا مہربان ہے

انشاء اللہ خان انشا

سر چشم صبر دل دیں تن مال جان آٹھوں
صدقہ کئی ہیں تم پر لو مہربان آٹھوں
روٹھ کر اٹھ چلے تھے انشاؔ سے
بارے پھر ہو کے مہربان پھرے

داغ دہلوی

یہ سنا ہے مرے لیے تلوار
اک مرے مہربان لیتے ہیں

شیخ ابراہیم ذوق

کسی کے دل کا سنو حالِ دل لگا کر تم
جو ہووے دل کو تمہارے بھی مہربان لگی

مومن خان مومن

سدا تمہاری طرف جی لگا ہی رہتا ہے
تمہارے واسطے ہے دل کو مہربان لگی

مرزا رفیع سودا

دل سے پوچھا یہ میں کہ عشق کی راہ
کس طرف مہربان پڑتی ہے

جگر مراد آبادی

سب پہ تو مہربان ہے پیارے
کچھ ہمارا بھی دھیان ہے پیارے

شکیب جلالی

لوگ دشمن ہوئے اسی کے شکیبؔ
کام جس مہربان سے نکلا

عرفان صدیقی

در پئے جسم و جان ملتے ہیں
ہم کو سب مہربان ملتے ہیں