مرزا غالب

ہو رہا ہے جہان میں اندھیر
زلف کی پھر سرشتہ داری ہے
بے خودی بے سبب نہیں غالب
کچھ تو ہے جس کی پردہ داری ہے
کیوں مری غم خوارگی کا تجھ کو آیا تھا خیال
دشمنی اپنی تھی میری دوست داری ہائے ہائے
شرمِ رسوائی سے جا چھپنا نقابِ خاک میں
ختم ہے الفت کی تجھ پر پردہ داری ہائے ہائے

امام بخش ناسخ

تیری زلفوں کے لیے شانہ بکف ہے ہر دن
اور کرتی ہیں تری آئینہ داری راتیں

انشاء اللہ خان انشا

چٹ لگا دیتے ہیں مرے آنسو
سلک گوہر کے آب داری میں
کب تلک میں بھلا رہوں شب و روز
تیری ایسی مزاج داری میں

بہادر شاہ ظفر

نہ کر ظالم دل آزاری جو یہ دل منظور ہے لینا
کسی کا دل جو ہاتھ آیا تو دل داری سے ہاتھ آیا
دیکھ کر آئینہ کیا کہتا ہے یارو اب وہ شوخ
ماہ سے صد چند بہتر ہیں ادا داری میں ہم

مصحفی غلام ہمدانی

لب جاں بخش کی تیرے جو صفا کو دیکھے
آب حیواں ہو پئے آئینہ داری تیار

مومن خان مومن

شکوۂِ دشمنی کریں کس سے
واں شکایت ہے دوست داری کی
مومنؔ اس بت کو دیکھ آہ بھری
کیا ہوا لاف دین داری آج

عرفان صدیقی

بزم وفا صدیقؓ و عمرؓ، عثمانؓ و علیؓ سے روشن ہے
چار ستارے ، چاروں پیارے ، چار کی آئینہ داری ہے