مرزا غالب

اس کی بزم آرائیاں سن کر دلِ رنجور، یاں
مثلِ نقشِ مدعائے غیر بیٹھا جائے ہے

مصحفی غلام ہمدانی

ناتوانی کے سبب یاں کس سے اٹھا جائے ہے
آہ اٹھنے کی کہیں کیا دم ہی بیٹھا جائے ہے

باقی صدیقی

ہم ترا راستہ تکتے ہوں گے
اور تو سامنے بیٹھا ہو گا
ایسے دل پر بھی کوئی کیا جائے
سامنے ان کے نہ بیٹھا جائے
میں ہر اک محفل میں اس امید پر بیٹھا رہوں
کوئی تیرا ذکر چھیڑے اور میں سنتا رہوں
میری حسرت کا تقاضا ہے کہ تیری آرزو
موسمِ گل میں شکستہ شاخ پر بیٹھا رہوں
اٹھیں تو راستہ نہ دے بیٹھیں تو بار ہو
کچھ اس طرح اک آدمی بیٹھا ہے سامنے

شکیب جلالی

قریب تیر رہا تھا بطخوں کا ایک جوڑا
میں آب جو کے کنارے اداس بیٹھا تھا
برق کیوں ان کو جلانے پہ کمر بستہ ہے
میں تو چھاؤں میں کسی پیڑ کے بیٹھا ہی نہیں

بشیر بدر

اداسی آسماں ہے دل مرا کتنا اکیلا ہے
پرندہ شام کے پل پر بہت خاموش بیٹھا ہے

جلیل مانک پوری

وہ اٹھے درد اٹھا حشر اٹھا
مگر دل ہے کہ بیٹھا جا رہا ہے

اختر ہوشیارپوری

ریل کی گاڑی چلی تو اک مسافر نے کہا
دیکھنا وہ کوئی اسٹیشن پہ بیٹھا رہ گیا
اس طرف دیوار کے بھی میں ہی تھا
اس طرف بھی میں ہی تھا بیٹھا ہوا

محسن احسان

تجھے خبر بھی ہے کچھ اے مسرتوں کے نقیب
میں کب سے سایۂ دیوارِ غم میں بیٹھا ہوں
میں اپنے پاؤں کا کانٹا میں اپنے غم کا اسیر
مثال سنگِ گراں راستے میں بیٹھا ہوں
گزر گاہوں میں سناٹا ہے محسنؔ
غبار ہمرہاں بیٹھا ہوا ہے

ناصر کاظمی

محل میں ہیروں کا بنجارا
آگ کی کرسی پر بیٹھا تھا
ریل چلی تو ایک مسافر
مرے سامنے آ بیٹھا تھا
دیکھ کے تیرے بدلے تیور
میں تو اسی دن رو بیٹھا تھا