مرزا غالب

اس لب سے مل ہی جائے گا بوسہ کبھی تو، ہاں!
شوقِ فضول و جرأتِ رندانہ چاہیے

بہادر شاہ ظفر

صوفیوں کے جو نہ تھا لائق صحبت تو مجھے
قابل جلسۂِ رندانہ بنایا ہوتا

یگانہ چنگیزی

اشکوں سے جام بھر گئے ساقی کی یاد میں
کچھ تو مآل مجلس رندانہ ہو گیا

سراج الدین ظفر

جھکا دوں عرش و کرسی کو اگر وہ سامنے آئیں
لیے پھرتا ہوں شوق سجدۂ رندانہ برسوں سے

مصطفی زیدی

اک دن حساب ہو گا کہ دنیا کے واسطے
کن صاحبوں کا مسلک رندانہ چھٹ گیا

اختر شیرانی

جوانی بھی تو اک موجِ شراب تند و رنگیں ہے
برا کیا ہے اگر ہم مشرب رندانہ رکھتے ہیں

علی سردار جعفری

لغزش گام لیے لغزشِ مستانہ لیے
آئے ہم بزم میں پھر جرأتِ رندانہ لیے

جوش ملیح آبادی

نغمہ و ساغر و طاؤس و غزل کے ہم راہ
سوئے خم خانہ پئے سجدۂ رندانہ چلیں

حفیظ جالندھری

انہیں احساس تمکیں ہو کہیں ایسا نہ ہو جائے
جو ہونا ہو ابھی اے جرأتِ رندانہ ہو جائے

شکیل بدایونی

راہِ خدا میں عالم رندانہ مل گیا
مسجد کو ڈھونڈتے تھے کہ مے خانہ مل گیا

مجروح سلطان پوری

تھامیں اس بت کی کلائی اور کہیں اس کو جنوں
چوم لیں منہ اور اسے انداز رندانہ کہیں