امام بخش ناسخ

اب کی ہولی میں رہا بے کار رنگ
اور ہی لایا فراقِ یار رنگ

انشاء اللہ خان انشا

نجیبوں کا عجب کچھ حال ہے اس دور میں یارو
جسے پوچھو یہی کہتے ہیں ہم بے کار بیٹھے ہیں

بہادر شاہ ظفر

کیا ہے غم ظفرؔ تجھے حشر کا جو خدا نے چاہا تو برملا
ہمیں ہے وسیلہ رسول کا وہ ہمارا حامی کار ہے

حیدر علی آتش

اس مشقت سے اسے خاک نہ ہو گا حاصل
جان عبث جسم کی بے کار لیے پھرتی ہے
کوئے مقصود سے یوں رکھتی ہے غفلت مجھے دور
جیسے سو جانے سے ہو جاتے ہیں بے کار قدم
جادۂِ راہِ محبت کو خط مسطر جان
سر کے بل مثل قدم چل جو ہوں بے کار قدم

مصحفی غلام ہمدانی

تیغ و کمند مانگ کر ابرو و زلف سے
عاشق بہت ہوئے ہیں جفا کار مار ڈال

مصطفٰی خان شیفتہ

ملکُ الموت کے گھر کا تھا ارادہ اپنا
لے گیا شوقِ غلط کار ترے کوچے میں
اے منجم عبث یہ نادانی
تو کچھ اندازہ دان کار نہیں

فیض احمد فیض

بھولے سے مسکرا تو دیے تھے وہ آج فیض
مت پوچھ ولولے دل ناکردہ کار کے

مرزا رفیع سودا

کرتا ہوں تیرے ظلم سے ہر بار الغیاث
یک بار تیرے دل میں نہیں کار الغیاث

جون ایلیا

مجھ سے تم کام نہ لو کام میں لاؤ مجھ کو
کوئی تو شہر میں ایسا ہے کہ بے کار نہیں
وہی دشت عذاب مایوسی
وہیں انجام کار آیا ہوں

جگر مراد آبادی

ہر اک بے کار سی ہستی بروئے کار ہو جائے
جنوں کی روح خوابیدہ اگر بیدار ہو جائے
تا دیر نہ ہو دل بھی خبردار محبت
اک یہ بھی ہے انداز فسوں کارِ محبت

عبدالحمید عدم

دن رات مجھ پہ کرتے ہو کتنے حسین ظلم
بالکل مری پسند کے مختار کار ہو

شکیب جلالی

تیرگی چھوڑ گئے دل میں اجالے کے خطوط
یہ ستارے مرے گھر ٹوٹ کے بے کار گرے
عشق پیشہ نہ رہے داد کے حقد ار یہاں
پیش آتے ہیں رعونت سے جفا کار یہاں

عرفان صدیقی

بے دلی پھر ہوس تازہ میں ڈھل جاتی ہے
ختم ہونے ہی میں آتا نہیں کارِ دنیا
ہم سوکھے ہوئے پیڑوں کو بے کار بچائیں
اٹھتے ہوئے تیشوں سے کہو دھار بچائیں
جب تلک گرد نہ چہرے سے ہٹائی جائے
صیقل آئنہ بے کار ہے خاکم بدہن

احسان دانش

ہے آج وہ صورت کہ بنائے نہیں بنتی
کل نقش دو عالم کے قلم کار ہمیں تھے

ادا جعفری

کہتے ہیں کہ اب ہم سے خطا کار بہت ہیں
اک رسمِ وفا تھی سو وفادار بہت ہیں

احمد راہی

وہ جن سے عام ہوئی داستان عہد جنوں
ترے گنہ دل ناکردہ کار وہ بھی ہیں

ماجد صدیقی

زندگی جب نثار غمِ دہر تھی
اس کا ملنا بھی ایسے میں بے کار تھا

جوش ملیح آبادی

وہ آرائش میں سب قوت کسی کا صرف کر دینا
تحمل میں وہ ہر کوشش مری بے کار ہو جانا

سیف الدین سیف

صبح سے شام کے آثار نظر آنے لگے
پھر سہارے مجھے بے کارِ نظر آنے لگے

شان الحق حقی

ماتم یہ ہے کہ ذوق فغاں بھی نہیں نصیب
بے سوز ہو گیا نفس شعلہ کار تک

شکیل بدایونی

اے عشق یہ سب دنیا والے بے کار کی باتیں کرتے ہیں
پائل کے غموں کا علم نہیں جھنکار کی باتیں کرتے ہیں
یہ عیش و طرب کے متوالے بے کار کی باتیں کرتے ہیں
پائل کے غموں کا علم نہیں جھنکار کی باتیں کرتے ہیں
خوشا وہ کشمکش ربط باہمی جس نے
دل و دماغ کو بے کار کر کے چھوڑ دیا

فانی بدایونی

ہائے دنیا وہ تری سرمہ تقاضا آنکھیں
کیا مری خاک کا ذرہ کوئی بے کار نہیں
جذبِ دل جب بروئے کار آیا
ہر نفس سے پیام یار آیا

احمد فراز

ذکر جاناں میں یہ دنیا کو کہاں لے آئے
لوگ کیوں مسئلے بے کار کے رکھ دیتے ہیں
بھید پائیں تو رہِ یار میں گم ہو جائیں
ورنہ کس واسطے بے کار میں گم ہو جائیں

فراق گورکھپوری

ہو صبر کہ بیتابی امید کہ مایوسی
نیرنگ محبت بھی بے کار نظر آیا
کیا کچھ نہ ہوا غم سے کیا کچھ نہ کیا غم نے
اور یوں تو ہوا جو کچھ بے کارِ نظر آیا
شب کٹ گئی فرقت کی دیکھا نہ فراقؔ آخر
طول غم ہجراں بھی بے کارِ نظر آیا
کئی عنوان ہیں ممنونِ کرم کرنے کے
عشق میں کچھ نہ سہی زندگی بے کار تو ہے
سحر و شام سر انجمنِ ناز نہ ہو
جلوۂ حسن تو ہے عشق سیہ کار تو ہے
جوہر آئینۂ عالم بنے آنسو مرے
یوں تو سچ یہ ہے کہ رونا عشق میں بے کار تھا
عقدۂ عشق کو نہ تو سمجھا
یہی عقدہ کشود کار بھی ہے

قتیل شفائی

کس نے دیا ہے سدا کسی کا ساتھ قتیلؔ
ہو جانا ہے سب کو آخر کار جدا

کیف بھوپالی

سلام اس پر اگر ایسا کوئی فن کار ہو جائے
سیاہی خون بن جائے قلم تلوار ہو جائے