امام بخش ناسخ

غیر سے کرتے ہو ابرو کے اشارے ہر دم
کبھی تلوار تو مجھ پر بھی لگائی ہوتی

انشاء اللہ خان انشا

قہر کیا یہ تم نے صاحب آنکھ لڑانا آفت تھا
جھٹ پٹ دل کو پھونک دیا اور آگ لگائی سینہ میں

داغ دہلوی

آپ میں بھی تو رہی آتش تر کی تیزی
آگ پانی میں یہ ساقی نے لگائی کیونکر

مصحفی غلام ہمدانی

نہ رہا ایک بھی چور اس کے کہیں ہاتھوں میں
ایسی چترائی سے کافر نے لگائی مہندی

جگر مراد آبادی

نہ سوزِ عشق نہ برق جمال پر الزام
دلوں میں آگ خوشی سے لگائی جاتی ہے
ہمیں پہ عشق کی تہمت لگائی جاتی ہے
مگر یہ شرم جو چہرے پہ چھائی جاتی ہے

قمر جلالوی

شبِ وعدہ اول تو آتے نہیں تھے جو آئے بھی تو رات ایسی گنوائی
کبھی رات کو تم نے گیسو سنوارے کبھی رات کو تم نے مہندی لگائی
سرِ شام آنے کا وعدہ کیا تھا مگر رات اب تو ڈھلی جا رہی ہے
نہ جانے کہاں راہ میں رک گئے وہ نہ جانے کہاں اتنی دیر لگائی

رئیس فروغؔ

اپنے بادل کی کٹیا کو
میں نے آگ لگائی ہے

جلیل مانک پوری

ظالم بتوں سے آنکھ لگائی نہ جائے گی
پتھر کی چوٹ دل سے اٹھائی نہ جائے گی

حسرت موہانی

یہ بھی آداب محبت نے گوارا نہ کیا
ان کی تصویر بھی آنکھوں سے لگائی نہ گئی

شکیل بدایونی

ستم نوازی پیہم ہے عشق کی فطرت
فضول حسن پہ تہمت لگائی جاتی ہے
ان کو شرحِ غم سنائی جائے گی
آگ پانی میں لگائی جائے گی

فانی بدایونی

تیغ تھی ہاتھ میں نہ خنجر تھا
اس نے کیا جانے کیا لگائی چوٹ

کلیم عاجز

بے ساختہ کہے ہے جو دیکھے ہے زخمِ دل
یہ چوٹ تو انہیں کی لگائی ہوئی سی ہے