امام بخش ناسخ

زندگی زندہ دلی کا ہے نام
مردہ دل خاک جیا کرتے ہیں

مصطفٰیٰ خان شیفتہ

تھی لحظہ لحظہ ہجر میں اک مرگ نو نصیب
ہر دم خیالِ لب سے ترے ہم جیا کیے

میر مہدی مجروح

مجھ سا ہو گا نہ سخت جاں کوئی
کہ شبِ ہجر میں جیا ہوں میں

مجید امجد

سب کی روحیں تھیں ریت کے بربط
اک مری زیست میں جیا یہ خیال

رئیس فروغؔ

گن لیتا تھا ارب کھرب
ستر سال جیا نہیں

سدرشن فاکر

زندگی تجھ کو جیا ہے کوئی افسوس نہیں
زہر خود میں نے پیا ہے کوئی افسوس نہیں

احمد فراز

ہجر کی رت جاں لیوا تھی پر غلط سبھی اندازے نکلے
تازہ رفاقت کے موسم تک میں بھی جیا ہوں وہ بھی جیا ہے

قتیل شفائی

پھیلا ہے ترا کرب قتیلؔ آدھی صدی پر
حیرت ہے کہ تو اتنے برس کیسے جیا ہے

قیوم نظر

اب وہ مرنے کی اڑاتے ہیں خبر
جن پہ مرنے کو جیا کرتا تھا

ناصر کاظمی

دل کے لیے درد بھی روز نیا چاہیے
زندگی تو ہی بتا کیسے جیا چاہیے